"Ágætis byrjun en töluvert eftir."

11.September'14 | 12:29

Í gærkvöldi fór fram opinn fundur um framtíð knattspyrnunnar í Vestmannaeyjum. Að fundinum stóðu velunnarar knattspyrnunnar en Ingi Sigurðsson leiddi fundinn. Ingi velti upp nokkrum hugleiðingum um hvernig mætti gera starf knattspyrnunnar sem öflugast. Það er greinilegt að Ingi hefur mikla ástríðu fyrir knattspyrnu í Vestmannaeyjum og kallaði til þessa funds í von um að fá svör við því hvernig væri hægt að efla starfið. Um þrjátíu manns sátu fundinn. Ýmis mál voru rædd en kjarni fundarins fór fyrir ofan garð og neðan.

Fundarmenn voru annars sammála um að ÍBV eigi alltaf að vera berjast í fremstu röð á öllum vígstöðum en til þess að það gerist þurfa allir að leggjast á eitt og vera tilbúnir til að vinna fyrir knattspyrnuna. Nokkrir veltu því upp að ÍBV væri lokað félag og þar væri erfitt að komast inn, einhversskonar elíta sem réði öllu og hefði engann tíma til að hlusta á skoðanir annarra.

Fundarmenn sammældust einnig um það að árangur handboltans á síðasta tímabili væri engin tilviljun, það starf sem þar væri unnið væri til fyrirmyndar og hvernig væri hægt að læra af þessu starfi.

Það dylst engum að það að reka knattspyrnulið er ekki ókeypis, fundarmönnum fannst nauðsynlegt að markvisst yrði unnið að því að afla tekna fyrir deildina.  Það virðist sem á síðustu árum að það hafi reynst erfitt, margir töluðu um það ofsa fjármagn sem lið á höfuðborgarsvæðinu hefðu úr að moða og við ættum erfitt með þessa samkeppni.

Það vakti athygli blaðamanns að löngum tíma var eytt í að ræða hvenær hentugt væri fyrir íþróttamann að velja á milli greina. Skiptar skoðanir voru á þessu máli, þónokkrir fundarmenn vildu að börn tækju ákvörðun fyrr en hefur tíðkast og það sé ekki vænlegt til árangurs að æfa tvær íþróttir og fæstum tilvikum skilaði það félaginu afreksfólki. 

Eyjar.net sló á þráðinn til Inga og spurði hvernig fundurinn hefði komið honum fyrir sjónir.

Þetta var ágætis byrjun en það er töluvert eftir til þess að það verði eitthvað að veruleika sem rætt var á fundinum. Það voru hins vegar margir góðir og áhugaverðir punktar sem voru settir fram.

En hvaða málefni eru efst á listanum?

Brýnast er að fjölga fólki sem er tilbúið að létta undir með þeim sem eru að vinna í ráðunum. Það bráðvantar fólk til að koma að verkefnum tengdum fótboltanum. Það er mikill munur á handboltanum og fótboltanum þegar kemur að þessu. Einnig eru mun fleiri fyrrum leikmenn sem koma að starfi handboltans, hvort sem það er við þjálfun eða störfum í ráðum. Það er eitthvað sem knattspyrnan þarf að skoa alvarlega. Fótboltinn þarf líka að skoða hvað er vel gert hjá handboltanum og vinna betur með honum.

Inga finnst einnig mikilvægt að knattspyrnuhreyfingin átti sig á því hvað þarf til þess að ná árangri.

Fótboltinn þarf að setja sér markmið til lengri tíma og ákveða hvernig er hægt að ná þessum markmiðum. Við viljum alltaf vera með þeim bestu og berjast við þá bestu. Það er hins vegar þannig að við getum ekki gert það með ellefu heimamenn í liðinu. Það er borin von. Það þarf að setja skýr markmið og það skiptir höfuðmáli að stækka tekjur fótboltans.

 

 

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.