Sex mánaða uppgjör bæjarins á áætlun

21.Ágúst'14 | 07:57

Í bæjarráði í gær var farið yfir 6 mánaða uppgjör sveitafélagsins. Reksturinn er nokkurn veginn í samræmi við áætlanir. Þegar hálft árið var liðið höfðu um 53% af skatttekjum borist, laun og launategnd gjöld voru um 52% af áætlun og annar rekstrarkostnaður um 49,6%.

Ástæða er til að minna á að þótt 6 mánaða uppgjör sé í samræmi við áætlun kvikna ýmis aðvörunarljós við lestur þess. Þannig voru skatttekjur fyrstu 6 mánuði í fyrra (2013) um 100 milljónum hærri en nú er og heildar rekstrarniðurstaða samstæðu þennan sama tíma er um 200 milljónum lægri en á sama tímabili árinu áður. Þegar heildar rekstrarniðurstaða samstæðu í 6 mánaðauppgjöri er skoðuð kemur í ljós að hún lækkar um 296 milljónir milli ára.
Þá vekur einnig ugg að á sama tíma og samdráttur verður í rekstrarniðurstöðu liggur fyrir að launakostnaður mun aukast verulega vegna nýrra kjarasamninga.
Yfirferð hefur leitt í ljós að líklegt er að nýgerðir kjarasamningar hækki launakostnað sveitarfélagsins til áramóta um 137 milljónir kr.

Fyrir liggur að mikill munur er á milli kjarasamninga og hækkar BHM samningar mest.

Vakin er athygli á því að í kjölfarið á samningnum sendi stjórn Sambands íslenskra sveitarfélaga frá sér eftirfarandi:

---
Eftirfarandi var bókað í fundargerð stjórnar Sambands íslenskra sveitarfélaga þann 10. apríl 2014.
Stjórn Sambands íslenskra sveitarfélaga staðfestir fyrirliggjandi samkomulag samninganefndar sambandsins og eftirtalinna aðildarfélaga Bandalags háskólamanna: Dýralæknafélags Íslands, Félags íslenskra félagsvísindamanna, Félags íslenskra náttúrufræðinga, Félagsráðgjafafélags Íslands, Fræðagarðs, Iðjuþjálfafélags Íslands, Kjarafélags viðskiptafræðinga og hagfræðinga, Ljósmæðrafélags Íslands, Sálfræðingafélags Íslands, Stéttarfélags bókasafns- og upplýsingafræðinga, Stéttarfélags lögfræðinga og Þroskaþjálfafélags Íslands, sem gert var 30. mars 2014, um breytingar og framlengingu á kjarasamningum aðila.

Stjórn sambandsins beinir því til sveitarfélaga, að nýta það tækifæri sem samkomulagið felur í sér til að endurskoða persónubundna samninga við hluta háskólamenntaðra starfsmanna um fastar yfirvinnugreiðslur, sem ákveðnar hafa verið sem yfirborgun vegna lágra grunnlauna að mati sveitarfélaga samkvæmt fyrri samningum sambandsins og BHM. Slíkar breytingar geta einnig að öllum líkindum dregið úr kynbundnum launamun sem oftast á sér orsakir í persónubundnum samningum um yfirborganir.
---

Bæjarráð beinir því til forstöðumanna og framkvæmdastjóra að ekki verði vikið frá fjárhagsáætlun án heimildar bæjarráðs. Stefni í framúrkeyrslu þarf að bregðast við með hagræðingu.

Bæjarráð felur bæjarstjóra að skila minnisblaði um persónubundna samninga og áætlun um hvernig beri að bregðast við í framhaldi af bókun Sambands sveitarfélaga.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.