Fríða Hrönn skrifar:

Hafðu stjórn á hugsunum þínum! Sama hvað?

20.Ágúst'14 | 10:41
Frida_Hronn

Fríða Hrönn Halldórsdóttir

Það að hafa stjórn á hugsunum sínum er ofast líffræðilegs eðlis og huglægs eðlis. Þrátt fyrir að heilbrigt líferni og heilbrigð hugsun geti fært okkur gott og verðugt líf þá geta skapast líffræðilegar ástæður fyrir því að við missum stjórn á huga okkar. Þetta geta verið slakur skjaldkirtill, mikil þreyta eða mikið langvarandi álag, hormónajafnvægi og ýmislegt fleira.

Sjálf hef ég bæði dottið í þann forarpitt að hafa þá skoðun að hugsun okkar, matarræði og framkvæmd hafi ALLT um það að segja hvernig okkur líður og líka það að með hugsununni einni saman getum við haft FULLKOMNA stjórn á því hverng okkur líður. Stundum er þetta ekki svo einfalt! Ég hef t.d. hitt marga sem þjást af B-12 skorti og eru með öll einkenni þunglyndis en um leið og þeir fá B-12 sprautu þá verða þeir allt aðrir, ég hef líka hitt fólk með slakann skjaldkirtil sem kallar fram þunglyndi og kvíða, en þá er líkaminn jafnvel ófær um að veita þá vellíðan og gleði sem hann á að vera fær um en ástæðurnar eru líffræðilegar. Sjálf hef ég verið í mikilli vinnu seinustu ár að finna út hvernig ég vinn með að jafna út hormóna því eins og í mínu tilfelli þegar konur eru með of hátt magn af kvennhormóninu estrógen þá er líkaminn ófær um að nota gleðihormónið okkar serotónín.  Þetta vita ekki margir - en oft er þetta ástæðan fyrir því þegar konan á erfiða daga áður en blæðingar hefjast og getur einnig gerst eftir fæðingu.

Í þessum dæmum sem ég hef nefnt hér á undan er líkaminn  í raun og veru ófær um það að finna fyrir gleði og ánægju og eru ástæðurnar líffræðilegs eðlis. Fólk í þessum aðstæðum er oft á tíðum ómeðvitað allavegana til að byrja með um að ástæðurnar séu líffræðilegs eðlis og upplifir þá mikið niðurrif, og mikla vanlíðan. Upplifir jafnvel aumingjaskap í  eigin garð og jafnvel reiði út í sjálft sig fyrir að finna ekki fyrir ánægju eða gleði. En það er í raun og veru ekki í standi til að mæta sjálfum sér. Við meigum ekki vanvirða þau verkefni sem líkaminn færir okkur, því  það er alltaf okkar hlutverk að taka ábyrgð á eigin lífi hvort sem að verkefnin eru  andlegs- eða líkamlegs eðlis og við meigum aldrei hunsa þau skilaboð sem líkaminn sendir okkur (við fáum nefninlega mjög oft skilaboð frá líkamanum ef eitthvað er ekki alveg eins og það á að vera). Við þurfum oft að falast eftir aðstoð, leita til sérfræðinga og vinna með okkur sjálf og mæta okkur á þeim stað sem við erum. Við þurfum líka jafnvel að hafa þetta í huga þegar við mætum fólkinu í umhverfinu okkar. En heilbrigt matarræði og líferni hefur oft helling um það að segja hvernig okkur líður og hvernig okkur tekst að takast á við þessi verkefni þannig heilbrigt líferni er alltaf stuðningur í þessum aðstæðum.

Ég vil taka það fram að ég er ekki læknir og er þetta eingöngu skrifað út frá upplifun minni sem manneskju og starfandi ráðgjafa seinustu ár ásamt upplýsingum sem ég hef lesið og mætt í gegnum tíðina.

Gangi okkur vel að mæta okkur þar sem við erum stödd, hjálpast að við að finna fyrir góðri líðan og vera meðvituð sjálf um það hvað við getum gert og hvernig við getum framkvæmt það. Lifið heil og verið æðri mætti ætíð falin.

Ást og friður

Fríða Hrönn

 

Hefur þú hugmynd?

20.Apríl'17

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

Grindavik.net

21.Júní'16

Grindavik.net er fréttavefur með áherslu á efni tengt Grindavik. Sjón er sögu ríkari.

Má bjóða þér að auglýsa hér?

20.Apríl'17

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.