ÍBV sektað um 150.000 fyrir kynþáttaníð

13.Ágúst'14 | 11:57

Knattspyrnudeild ÍBV var í dag sektuð um 150.000,- fyrir kynþáttaníð. Þetta kemur fram á fréttavefnum Vísir.is. Þórir Hákonarson, framkvæmdastjóri KSÍ staðfestir þetta. Fram kemur að lögfræðingar ÍBV séu að skoða málið og von sé á yfirlýsingu frá ÍBV síðar í dag.

Þórir Hákonarson, framkvæmdastjóri KSÍ, staðfesti við Vísi nú rétt í þessu að ÍBV hefur verið sektað um 150.000 krónur vegna brot á 16. grein reglugerðar KSÍ sem fjallar um fordóma af ýmsu tagi og refsingu vegna þeirra.

Stuðningsmenn ÍBV gerðu sig seka um kynþáttaníð í garð Farids Zato, miðjumanns ÍBV, í bikarleik Eyjamanna gegn KR í lok síðasta mánaðar, en dómari leiksins, Gunnar Jarl Jónsson, skilaði inn skýrslu þess efnis.

„Við erum komnir með úrskurð frá KSÍ, en lögfræðingar okkar eru að skoða málið. Það kemur yfirlýsing frá okkur síðar í dag,“ sagði Óskar Örn Ólafsson, formaður knattspyrnudeildar ÍBV, við Vísi um málið.

Aðspurður hvort hann væri ósáttur við úrskurðinn vildi hann engu svara heldur endurtók að Eyjamenn myndu svara með yfirlýsingu síðar í dag.

16. grein aga- og úrskurðarmála var tekin í notkun fyrr í sumar, en hún var sett inn vegna tilskipunar Alþjóðaknattspyrnusambandsins.

Nýja ákvæðið tekur á mismunun og á að leggja áherslu á að taka fast á hvers kyns mismunun eða fordómum.

Ákvæðið er þýðing á ákvæði í agareglugerð FIFA sem öllum knattspyrnusamböndum innan FIFA ber að taka upp, en öllum aðildarfélögum KSÍ var sent dreifibréf um tilkomu nýja ákvæðisins og hvaða viðurlög það hefur í för með sér.

Eyjamenn eru aðrir sem fá dóm eftir nýju reglugerðinni, en fyrr í sumar var leikmaður Víðis í Garði úrskurðaður í fimm leikja bann og fékk félagið 100.000 króna sekt vegna kynþáttaníðs sem hann var úrskurðaður í leikbann fyrir.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.