Jón Óskar Þórhallsson skrifar:

Fumlaus viðbrögð ÍBV

13.Ágúst'14 | 13:32

Í dag úrskurðaði aga og úrskurðarnefnd KSÍ að ÍBV skuli greiða 150.000 krónur í sekt vegna kynþáttaníðs stuðningsmanns félagsins í garð leikmanns KR.  Verður undirritaður að segja eins og er að á dauða mínum átti ég fremur von fyrir þetta tímabil en að félagið okkar fái á sig sekt vegna slíks háttalags, enda hefur slíku fremur verið beint gegn leikmönnum okkar liðs í gegnum tíðina.

Stuðningsmenn ÍBV eru ekki skoðanalausir og láta vel í sér heyra ef þeir eru ekki sáttir við eitthvað inni á vellinum, hvort sem eru andstæðingar, dómari eða okkar eigin liðsmenn.  Leifur Geir Hafsteinsson og Ívar Bjarklind sýndu þessu eðli Hólsarans mikla virðingu í texta ÍBV-lagsins þar sem þeir eru kallaðir spyrnufróðir spekingar með ráðleggingar, en á ferðinni væru jafnframt hvers manns hugljúfi.  Jú það hefur ýmislegt verið látið flakka af Hólnum í gegnum tíðina, en ekki man ég eftir neinu eins og kynþáttaníði.

ÍBV-Íþróttafélag hefur brugðist við úrskurði nefndarinnar og sett stuðningsmann ÍBV í ótímabundið bann frá heimaleikjum liðsins og unir úrskurðinum.  Vil ég taka hatt minn og kollu ofan fyrir forráðamönnum ÍBV fyrir fumlaus viðbrögð.

Því miður er þetta ekki í fyrsta sinn sem stuðningsmenn félagsins gera sig seka um svipaða hegðun og þetta, en árið 2010 varð Halldór Orri Björnsson, Stjörnunni, fyrir barðinu á þeim, sem varð til þess að ÍBV sendi frá sér yfirlýsingu þess efnis að háttalag sem þetta yrði ekki liðið á Hásteinsvelli og rætt verði við þá sem í hlut áttu.   

Forráðamenn félagsins hafa um annað að hugsa þessa dagana meðan liðið okkar er í fallsæti en að fá á sig sektir vegna kynþáttaníðs af áhorfendapöllum.  Verkefnið framundan er ærið og það þarf virkilega á dyggum og hressum stuðningsmönnum að halda til að tryggja áframhaldandi veru ÍBV í Pepsi-deildinni sumarið 2015.

Vil ég svo hrósa stuðningsmönnum ÍBV fyrir það skemmtilega uppátæki að hylla Jón Jónsson, leikmann FH, er hann gekk af Hásteinsvelli s.l. sunnudag.  Hefði uppátækið mátt rata í fjölmiðla.

Sýnum öllum þátttakendum leiksins virðingu og verum félaginu til sóma. 

Útrýmum kynþáttaníði af leikjum ÍBV.

Áfram ÍBV !

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).