Þriggja ára stúlku var bjargað frá drukknun

8.Ágúst'14 | 17:59

Þriggja ára stúlku var bjargað frá drukknun í Sundlaug Vestmannaeyja í dag. Forstöðumaður laugarinnar segir að starfsfólkið hafi sýnt hárrétt viðbrögð.

Að sögn Arnsteins Inga Jóhannessonar forstöðumanns laugarinnar hafði stúlkan, sem var í fylgd foreldra sinna, náð að losa sig við sundkúta og hlaupa  í aðra laug þar sem hún náði ekki til botns. Sundlaugargestur varð hennar var og lyfti barninu úr lauginni. Starfsmenn höfðu þá þegar tekið eftir þessu og komu til aðstoðar ásamt sundlaugargestum. Arnsteinn Ingi telur að hálf önnur mínúta hafi liðið frá því að barnið fór í laugina þar til endurlífgunartilraunir hófust. Þær gengu vel og var stúlkan flutt á sjúkrahúsið í Eyjum. Ákveðið var að flytja hana til Reykjavíkur til eftirlits. Að sögn  læknis á Barnaspítala Hringsins er ástandið á barninu gott og virðist sem því hafi ekki orðið meint af.  Þess má geta að þann 19. júlí síðastliðinn var tveimur ungum Ganabúum bjargað frá drukknun í sundlauginni í Eyjum. Arnsteinn Ingi segir að starfsfólki sé eðlilega brugðið, þótt farið hafi vel í bæði skiptin og því hafi verið veitt viðeigandi hjálp. 

 

Ruv.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári.