Bæjarráð leggst gegn leyfi fyrir Djús ehf

31.Júlí'14 | 17:19

Vestmannaeyjahöfn

Fundað var í bæjarráði í hádeginu í dag, þar sem aðeins eitt mál var á dagskrá. Þar var tekin til umsagnar umsókn Jóns Arnars f.h Djús ehf  til að selja heilsudjúsa og samlokur 31. júlí - 04. ágúst að Vestmannabraut 33.

Í rökstuðningi bæjarráðs segir:

Bæjarráð veitir neikvæða umsögn og leggst gegn útgáfu leyfisins enda liggur fyrir að byggingafulltrúi Vestmannaeyjabæjar hefur veitt neikvæða umsögn á þeim forsendum að samþykktar teikningar frá 21.04 2008 uppfylla ekki kröfur og gera ekki ráð fyrir veitingasölu í húsnæðinu.

Bent er á að Vestmannaeyjabær á og annast rekstur umhverfis miðbæjar Vestmannaeyja þar sem umrætt húsnæði stendur. Að mati bæjarráðs er næsta umhverfi ekki undir það búið að bera veitingastað/veitingasölu í umræddu húsi að svo stöddu. Það á sérstaklega við ef ekki er gert ráð fyrir því að viðskiptavinir veitingastaðarins neyti veitinga þar innandyra við þær aðstæður sem hefðbundið er þar sem veitingasala fer fram. Í raun má þá líkja umsókninni við torg- og götusölu þar sem veitingar eru afgreiddar úr vögnum eða húsnæði þar sem ekki er hægt að neyta veitinga innandyra. Um slíkt gilda sérstakar reglur hjá Vestmannaeyjabæ og þegar hefur fjölmörgum aðilum verið hafnað um slík leyfi á grundvelli tilgreindra reglna og þess að umhverfi miðbæjar er ekki talið bera slíkan rekstur.

Ekki hefur á neinn hátt verið gengið þannig frá umhverfi staðarins unnt sé að veita jákvæða umsögn við erindinu og á það bæði við um salernisaðstöðu, sorpmál og ýmislegt fleira.

Bæjarráð bendir á að skv. 5 málsgrein 10. gr. laga um veitingastaði, gististaði og skemmtanahald nr. 85 frá 2007 er óheimilt að gefa út rekstrarleyfi ef einhver umsagnaraðila leggst gegn útgáfu leyfisins.

 

Athygli vekur að í fundargerð ráðsins kemur fram að fundurinn hafi byrjað kl. 12.00 og lokið kl. 15.07.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is