Stórkostlegt skip

28.Júlí'14 | 12:06

Rætt er við þá Eyþór Harðarson útgerðarstjóra og Hörð Má Guðmundsson skipstjóra á kvotinn.is um hið nýja skip Ísfélagsins, Sigurð VE. Þar segir:

„Þetta er alveg stórkostlegt skip, númerinu stærra en allt sem við höfum verið með. Mesti munurinn liggur í 80 metra löngu skipi og 17 metra breiðu. Þetta er skip er mun stærra en Heimaey, 3.000 rúmmetrar í kælitönkum miðað við 2.000 rúmmetra þar. Kælikerfið er að auki mun stærra,“ segir Eyþór Harðarson, útgerðarstjóri Ísfélagsins í samtali við kvotinn.is
„Stóra byltingin í þessu á móti öðrum uppsjávarskipum er að við dælum úr pokanum að aftan, erum með búnað til þess í stað þess að þurfa að færa pokann fram á síðuna til dælingar. Þetta er í raun ný hönnun og í mörgu ólík hinum eldri uppsjávarskipum. Dælurýmið er til dæmis í miðju skipsins með tilheyrandi styttri lögnum í allar áttir.
Aðalvélin er Wartsila 4.500 kílówött og að auki eru þrjár ljósvélar , 560 kílówött hver fyrir sig. Í því felst í raun sjálfvirkt orkustýringarkerfi og ljósvélarnar koma bara inn eftir því hvort það vantar rafmagn og þegar rafmagnsþörfin er minni slekkur kerfið á vélunum. Þetta er mjög hagkvæmt orkustýringarkerfi sem mun spara verulega orku. Við erum einnig með tveggja hraða kerfi á skrúfunni þannig að við getum verið með skrúfuna á frá 85 snúningum upp í 140 og brennum svartolíu og með þessu næst einnig verulegur olíusparnaður. Ef menn eru ekkert að flýta sér er bara að fara niður á minnsta snúningshraðann til að spara orku og er mikið liggur á getur skipið gengið allt að 15,5 mílum en það er að sjálfsögðu ekki hagkvæm keyrsla,“ segir Eyþór.

 

Gerist varla betra.

„Það reyndi ekkert á skipið á heimleiðinni. Var bara blíðuveður en engu að síður er ljóst að þetta er alvöru skip og reyndist mjög vel. Það er virkilega spennandi að taka við svona skipi, maður kemst ekki mikið lengra en þetta,“ segir Hörður Már Guðmundsson, skipstjóri á Sigurði VE. Hörður Már er þulreyndur skipstjóri og hefur áður tekið við skipstjórn á um tug skipa.
„Skipið og búnaðurinn er í hæsta gæðaflokki og nú reynir á mann að fiska. Það er eins gott að það gangi eftir og ég geri reyndar ekki ráð fyrir öðru en allt gangi vel.  Við byrjum á makríl og síðan tekur við síld og loðna. Við förum þennan hring eins og önnur uppsjávarskip og vonandi verða verkefnin næg framundan. Áhöfnin er samhent og góð og skipið afbragð svo þetta gerist varla betra,“ segir Hörður Már.
Brúin á skipinu er svo há að hún er eins og nokkurra hæða hús enda er skipið algjör sjóborg. En verður skipstjórinn ekkert lofthræddur þegar hann lítur niður á dekki og niður í sjó. Nei, hann finnur ekkert fyrir því.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).