Rýr hlutur kvenna á dagskrá Þjóðhátíðar

25.Júlí'14 | 08:08

Á dagskrá Þjóðhátíðar í Vestmannaeyjum eru karlar mikill meirihluti þeirra sem stígur á stokk á kvöldvökunum. Að sögn Védísar Hervarar Árnadóttur, formanns KÍTÓN, félags kvenna í tónlist á Íslandi, er það ekki nýlunda að fáar konur komi fram á Þjóðhátíð í Eyjum.

„Svona var þetta líka í fyrra og árin þar á undan. Ég trúi því þó ekki að þetta sé viljandi gert af skipuleggjendum að sniðganga tónlistarkonur og auðvitað ganga þeir út frá því að fá þá inn sem þykja vinsælastir hverju sinni en hlutdrægnin spilar alltaf sitt hlutverk. Rótin að skekkjunni liggur ef til vill dýpra en þar því að samkvæmt rannsóknum innan kynjafræði er erfiðara fyrir sjálfstætt starfandi tónlistarkonur að fá spilun í útvarpi og umfjöllun í fjölmiðlum og það er ekki einsdæmi á Íslandi.

 

Tónleikahaldarar geta svo skýlt sér á bak við það að hafa bókað vinsælustu tónlistarmennina. Það skýrir þó ekki hvers vegna vinsælar tónlistarkonur eru ekki á dagskránni í Eyjum. Kannski er það eitthvað sem er staðbundið þarna í Eyjum og mætti færa rök fyrir því að hátíðinni sé algjörlega í sjálfsvald sett að velja inn sína listamenn án svona kvabbs frá femínistum en þetta er fordæmisgefandi og allt morandi í fyrirmyndum ungra stúlkna og þar liggur kannski ábyrgðin helst,“ segir hún.

 

Védís telur lausnina þó ekki felast í kynjakvótum heldur vilji þær í KÍTÓN höfða til almennrar skynsemi. „Finnst okkur þetta í lagi? Það er vel hægt að ná fram hugarfarsbreytingu í tónlist, eins og að einhverju leyti hefur tekist í stjórnum fyrirtækja og í íþróttum.“

 

Ekki náðist í skipuleggjendur hátíðarinnar við vinnslu fréttarinnar.

 

Fréttatíminn greini frá.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).