Nýr vefur á gömlum grunni

Tryggvi Már Sæmundsson skrifar

24.Júlí'14 | 16:56

Á dögunum festi undirritaður ásamt Ellerti Scheving kaup á vefnum Eyjar.net. Vefur sem lengi hefur verið til, en ekki verið mjög lifandi undanfarið. Það er stefnan að breyta því!

Eitt er víst að af nægu er að taka hér í Eyjum. Mikið líf er í bænum um þessar mundir, nýjir veitingastaðir og gistiheimili spretta upp eins og gorkúlur og ferðamönnum fjölgar dag frá degi. Nýtt gosminjasafn hefur verið opnað og nýtt skip fer brátt að bætast í flota okkar. Þá má ekki gleyma blómlegu íþróttalífi okkar.

Þessi nýji vefur verður einnig til að rýna til gagns. Það er hverju samfélagi mikilvægt að gott aðhald sé til staðar, sérstaklega fyrir þá sem um stjórntauma halda. Það von okkar að sem flestir tjái sig á vefnum. Hjá okkur verða fastapennar auk þess sem að hvíslið er nýr og skemmtilegur liður. Þá er liður hér á síðunni sem nefnist ,,Meistaradeildin“ og þangað komast aðilar sem hafa eitthvað skemmtilegt fram að færa.

Er það von mín að hægt verði að halda úti þessum vef, Eyjamönnum nær og fjær til gagns og gamans. Þá er rétt að geta þess að ekki verða eingöngu fréttir og efni frá Eyjum, ef að við sjáum eða fáum eitthvað athyglisvert og/eða skemmtilegt annarstaðar frá munum við að sjálfsögðu koma til með að birta það.

Ef þú, kæri lesandi telur þig hafa eitthvað fram að færa, ekki hika við að hafa samband.

                                                                  

 

Tryggvi Már Sæmundsson

Ritstjóri

tryggvi@eyjar.net

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-