Vestmannaeyjar hentugar fyrir varmadælu

30.Júní'14 | 13:55
Spara mætti raforku sem nemur framleiðslu 15.000 rafbíla ef sett yrði upp sjóvarmadælu við Vestmannaeyjar, segir framkvæmdastjóri Orkuseturs. HS Veitur segja orkusamning við Landsvirkjun vera forsendu framkvæmda.

Sjóvarmadæla hentugasti kosturinn
Eftir að hætt var að nota hraunhitaveituna í Vestmannaeyjum fyrir 26 árum hefur verið horft til annarra virkjanakosta til að hita upp vatn á hringrásarkerfinu bæjarins. Reynt hefur verið að bora eftir heitu vatni, hugmyndir hafa verið uppi um vindmyllur en sjóvarmadæla er talinn hentugasti kosturinn. Sjóvarmadæla gæti risið við Vestmannaeyjar á einu til tveimur árum fyrir um einn milljarð króna.



Stærra verkefni en vindmyllur Landsvirkjunar
Sigurður Ingi Friðleifsson, framkvæmdastjóri Orkuseturs, segir varmadælur til sérstakrar skoðunar í sameiginlegu norrænu verkefni. Á Íslandi sé hentugast að koma slíkri dælu fyrir í Vestmannaeyjum, þar sem Golfstraumurinn skelli með hita frá Mexíkóflóa. „Sjóvarmadæla sem er teiknuð fyrir Vestmannaeyjar myndi skila 40 gígawattsstundum, sem samsvarar raforkunotkun 15.000 rafbíla. Þetta er til dæmis margfalt stærra verkefni en vindmyllur Landsvirkjunar,“ segir Sigurður Ingi.

 

Orkusamningur forsenda ákvörðunar
Ívar Atlason, tæknifræðingur hjá HS Veitum í Vestmannaeyjum, segir enga tæknilega vankanta á því að hefja framkvæmdir við sjóvarmadælu. Það rafmagn sem fari inn á dæluna skili sér út í þrefalt meiri varma. Það sé því eftir miklu að slægjast en forsenda ákvarðanartöku sé samningur við Landsvirkjun til nokkurra ára um orkuverð, sem Vestmannaeyjar hafi ekki eftir að slíkum samningi var sagt upp.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.