Var með 13 ungmenni á pallinum

Voru að verða of seinir í leik á Shellmótinu

30.Júní'14 | 15:28

Vikan var með rólegra móti hjá lögreglunni þrátt fyrir að fjöldi manns væri í bænum enda Shellmót-ÍBV haldið með öllum þeim fjölda gesta sem fylgir þeim liðum sem sækja Eyjarnar heim.  Fór mótið að vanda vel fram og engin teljandi útköll í tengslum við það. 

Helgin fór fram með ágætum og fá útköll á öldurhús bæjarins en eitthvað var þó um að lögreglan þurfti, eins og svo oft áður, að aðstoða gesti húsana til síns heima sökum ölvunarástands þeirra.

 

Tvö umferðaróhöpp voru tilkynnt lögreglu í vikunni sem leið.  Í öðru tilvikinu var um að ræða óhapp á gatnamótum Kirkjuvegar og Illugagötu þar sem bifreið var ekið inn á gatnamótin af Illugagötu og í veg fyrir bifreið sem ekið var eftir Kirkjuvegi.  Í hinu tilvikinu var um að ræða óhapp þar sem bifreið var ekið afturábak og lenti á kyrrstæðri bifreið. Engin slys urðu á fólki í þessum óhöppum en eitthvað tjón varð á ökutækjum.

 

Alls liggja fyrir átta kærur vegna brota á umferðarlögum eftir vikuna og er um að ræða 6 kærur vegna ólöglegrar lagningar ökutækja,  ein fyrir stöðvunarskyldubrot og ein þar sem ökumaður pallbíls var kærður fyrir að aka með farþega á pallinum en alls voru 13 ungir drengir á palli bifreiðarinnar. Gaf ökumaðurinn þá skýringu að hann væri að fara með drengina til leiks í Shellmóti ÍBV, en þeir væru að verða of seinir í leikinn.

 

Lögreglan vill beina því til foreldra og forráðamanna barna, í tilefni af Goslokahátíð um næstu helgi, að virða útivistareglurnar. Til upprifjunar þá eru útivistareglurnar eftirfarandi; börn tólf ára og yngri mega ekki vera á almannafæri eftir klukkan 22:00 og ungmenni á aldrinum 13 til 16 ára mega ekki vera á almannafæri eftir miðnætti.  Þó mega börn vera í fylgd með fullorðnum eftir að útivistatíma lýkur en gera verður þá kröfu að þeir sem fylgja börnunum séu allsgáðir.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.