Sýknaður af ákæru um nauðgun á þjóðhátíð

30.Júní'14 | 13:51

Fjölskipaður Héraðsdómur Suðurlands hefur sýknað karlmann á þrítugsaldri af ákæru um nauðgun á Þjóðhátíð í Vestmannaeyjum árið 2012. Héraðsdómur taldi hegðan stúlkunnar fljótlega eftir atvikið ekki trúverðuga í ljós þess ofbeldis sem hún greindi frá.

Atvikið sem maðurinn var ákærður fyrir átti sér stað í tjaldi á Þjóðhátíð, aðfaranótt laugardagsins 4. ágúst 2012. Hann var þá á 22. aldursári en stúlkan á 18. aldursári.

Hann var sakaður um að hafa með ofbeldi þröngvað henni til samræðis, meðal annars rifið í hár hennar og haldið höndum hennar niðri. Í ákærunni segir að stúlkan hafi hlotið eymsl í hársverði og víðar. Maðurinn neitaði alla tíð sök.

Fram kemur í dómi héraðsdóms að fyrstu kynni mannsins og stúlkunnar hafi verið við tjald stúlkunnar og vinkvenna hennar um nóttina. Samkvæmt framburði mannsins og stúlkunnar hafi samskipti þeirra hafist með því að maðurinn veitti stúlkunni kinnhest, sem samkvæmt framburði hans hafi verið til þess að ná athygli stúlkunnar.

 

Einnig liggi fyrir að maðurinn og stúlkan hafi látið vel hvort að öðru, fyrst utan við tjaldið og síðan inni í tjaldinu. Maðurinn sagði að þau hefðu síðan haft samræði með fullum vilja stúlkunnar en stúlkan sagðist hafa verið því mótfallin.

Héraðsdómur taldið hegðan stúlkunnar fljótlega eftir atvikið ekki trúverðuga í ljósi þess ofbeldis sem hún greindi frá. Þá segir í dómnum að engir líkamlegir áverkar hafi verið sýnilegir við skoðun á neyðarmóttöku. Lögreglurannsókn á tjaldinu staðfesti ekki að hún hafi verið hárreytt.

 

Þá  dregur dómurinn trúverðugleika framburðar stúlkunnar í efa, hún hafi í yfirheyrslu hjá lögreglu séð ástæðu til að taka fram að hún væri að segja satt og rétt frá. Dómurinn telur því að skynsamlegur vafi sé á um að maðurinn hafi þröngvað stúlkunni til samræðis. Vegna þess var hann sýknaður.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.