Skiptir engu máli hvað fjölmiðlarnir segja

Segir Jonathan Glenn framherji ÍBV

21.Júní'14 | 09:03
„Sem framherji vil ég alltaf skora en ég get sagt með sanni að ég hafi gefið allt mitt í leikina þannig ég var ekkert farinn að hugsa neikvætt,“ segir Jonathan Glenn, framherji ÍBV, í viðtali við Fréttablaðið um markaþurrðina sem hann gekk í gegnum í fyrstu leikjum sínum hér á landi.

Glenn skoraði aðeins eitt mark í fyrstu tíu leikjum sínum með ÍBV, þar með talinn Lengjubikarinn. Nú er öldin önnur og er framherjinn búinn að skora fjögur mörk í síðustu þremur leikjum, þar af tvö í 3-0 bikarsigri Eyjamanna á Val í vikunni.

 
„Við höfum lagt mikið á okkur sem lið og nú erum við að uppskera. Liðið er alltaf að verða betra,“ segir Glenn sem var mikið gagnrýndur, af fjölmiðlum og stuðningsmönnum, eftir fyrstu leikina í Pepsi-deildinni.
 
 
„Það eru fastir liðir ef liðinu gengur illa. Leikmennirnir þurfa bara að svara því inni á vellinum. Það skiptir engu máli hvað fjölmiðlarnir segja. Ég hélt bara alltaf áfram að standa mig.“

Síðbúin jólagjöf
Glenn er frá Trínidad og Tóbagó en fluttist til Bandaríkjanna til að fara í háskóla þar sem hann spilaði fótbolta. Honum gekk vel í háskólaboltanum en fékk engu að síður ekki atvinumannssamning að honum loknum.

„Ég hóf að spila í eins konar þriðju deild hjá liði í Jacksonville í Flórída. Ég fékk tækifæri til að fara á reynslu hjá nokkrum liðum en fékk ekki samning. Þarna var ég í fullu starfi og hélt mér í formi því ég gaf drauminn um atvinnumennsku ekki upp á bátinn,“ segir Glenn sem útskrifaðist með gráðu í sálfræði og markaðsfræði.

Til að halda draumnum lifandi skráði hann sig á úrtaksæfingar hjá Pro Soccer Consulting þar sem starfa vanir þjálfarar. Þar reyna leikmenn sem komnir eru yfir 18 ára aldur að sýna sig og sanna í von um að fá tækifæri hjá atvinnumannaliðum.


Fótboltinn er oft spurning um að vera á réttum stað á réttum tíma hjá réttum mönnum og sú var raunin hjá Glenn. Paul Taylor, framkvæmdastjóri PSC, þjálfaði Sigurð Ragnar Eyjólfsson hjá Walsall og benti honum á Glenn þegar Sigurður hafði samband. Að mæta á úrtaksæfingarnar kostar 299 dali og má segja það hafi borgað sig í tilfelli Trínidadans geðþekka.


„Ég gafst ekkert upp á draumnum um að spila sem atvinnumaður. Ég var þannig séð búinn að gefa upp von eftir úrtaksæfingarnar því ég heyrði ekkert í 2-3 vikur. Það var ekki fyrr en á öðrum degi jóla að ég fékk boð um að koma til ÍBV. Það má segja þetta hafi verið síðbúin jólagjöf,“ segir Glenn og hlær við.


Eyjar eru notalegar
Eins og við mátti búast voru það nokkur viðbrigði fyrir Glenn að mæta til Vestmannaeyja en hann nýtur lífsins þar.


„Þetta er náttúrlega öðruvísi. Ég bjó síðast í Jacksonville sem er borg en nú er ég á 4.000 manna eyju. Þetta er samt notalegur staður og fólkið er yndislegt. Ég sakna einskis þannig séð og nýt þess að búa hérna. Þetta er samt öðru vísi lífsreynsla,“ segir Jonathan Glenn.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).