Eyjalistinn kynnir stefnumál sín, opnar vefsíðu og sendir frá sér skemmtilegt og hressandi myndband

5.Maí'14 | 08:20
Sveitastjórnarkosningarnar verða þann 31.maí næstkomandi og allt stefnir í það að einungis tvo framboð verði í boði fyrir kjósendur í eyjum. Um helgina opnaði Eyjalistinn sem er félag fólks úr Bjartri framtíð, Framsóknarflokki, Samfylkingu, Vinstri hreyfingunni- grænu framboði og að auki óflokksbundnum og óháðum kjósendum.
Meðal þeirra málefna sem Eyjalistinn ætlar að berjast fyrir eru eftirfarandi:

Daggæslumál
Við fögnum nýbreyttum reglugerðum um niðurgreiðslu dagmæðra þar sem hún hækkar í 40.000 kr. á mánuði og að hún hefjist um 12 mánaða aldur barna. Hins vegar finnst okkur ekki nógu langt gengið í því að koma til móts við foreldra þar sem lögbundið fæðingarorlof er einungis 9 mánuðir. Því viljum við lækka viðmiðunaraldurinn niður í 9 mánuði eins og hefur verið í boði í sveitarfélögum á höfuðborgarsvæðinu. Í þessu samhengi væri einnig hægt að skoða hvort hægt sé að fjölga dagmæðrum með aðstoð við húsnæði eða stofnun svokallaðrar „vöggustofu“ að danskri fyrirmynd.
 
Útgerðin
Meðan núverandi fikveiðistjórnunarkerfi er við lýði þarf að gæta þess vel að halda veiðiheimildum innan bæjarfélagsins og gæta þess að forkaupsréttur aflaheimilda sé nýttur þegar þannig stendur á. Leggja þarf áherslu á að við endurskoðun fiskveiðistjórnunarkerfisins verði opnaðir möguleikar fyrir nýliðun þannig að þeir sem hyggja á útgerð eigi þess kost.

Börn með sérþarfir, föst staða talmeinafræðings, þroskaþjálfar
Börn með sérþarfir þurfa einnig aukinn stuðning innan skólakerfisins. Föst staða talmeinafræðings er brýn ásamt því að skoða að fjölga um stöðugildi þroskaþjálfa því mikið álag er á þeim þroskaþjálfum sem nú eru. Við fáum bara eitt tækifæri til að hlúa sem best að þessum einstaklingum og það er langbest að byrja sem fyrst og hlúa vel að þeim. Þroskaþjálfar aðstoða fleiri börn innan skólans en eingöngu börn með sérþarfir svo að allir græða á öflugu stuðningsneti þroskaþjálfa innan skólans.

Hægt er að fylgjast með starfi Eyjalistans á slóðinni www.eyjalistinn.is

Einnig sendi Eyjalistinn frá sér um helgina þetta hressandi myndband sem sýnir frambjóðendur dansandi við lagið Happy.
 
 
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).