Að dingla sér við að halda þessu byggðarlagi í gíslingu

Guðmundur Þ.B. Ólafsson skrifar

26.Mars'14 | 09:52

Herjólfur

Hvað er að frétta? Herjólfur upp á punt!!! Ætlum við að láta bjóða okkur þetta ástand í samgöngumálum okkar, samgöngur sem færst hafa 40 ár aftur í tímann? Ætlar enginn að gera neitt?
Okkur er sýndur fingurinn, okkur varðar ekkert um málið, það segir nánast enginn neitt og engar fréttir að hafa. Það virðist vera full ástæða til að upplýsa þá sem með ferðina fara að það er mikil reiði í bænum ekki síst yfir þeirri þögn sem ríkir um framgang mála. Reyndar getur skýringin verið sú að það er ekkert að gerast og því engar fréttir að hafa. Það má vel vera ástæðan og ef andinn sem ríkir á fundum er í samræmi við orð samningsfulltrúa undirmanna á Herjólfi, að honum lægi ekkert á og væri alveg til í að dingla við þetta fram á sumar, þá á öllum að vera ljóst að það þarf að koma þeim manni frá borðinu, hann er ekki að vinna fyrir sína umbjóðendur og er alveg til í að dingla við að halda þessu byggðarlagi í gíslingu. Eftir því sem mér skilst þá eru kröfur undirmanna sumar hverjar þær að kjör þeirra verði færð til samræmis það sem gerist á Íslandi. Að eftir 8 stunda vinnudag, ekki 9 stunda, teljist vinna eftir það yfirvinna og sú vinna með 80% álagi á dagvinnuna en ekki 30%. Það hjóta allir að sjá að þessar kröfur eiga ekki að þvælast fyrir mönnum, svo sjálfsagðar eru þær. Öðrum kröfum hefur maður frétt af, en þær eru að greitt verði fyrir aukið álag vegna fækkunar í áhöfn og kröfur um sjómannaafslátt, sem ég hef alltaf talið rangnefni, um er að ræða dagpeninga eða staðaruppbót vegna fjarveru frá heimili við vinnu sína eins. Um það má deila fyrir þá sem koma í heimahöfn á hverjum degi. Það má alveg vera ljóst að þessa deilu verður að leysa sem fyrst, ganga á strax að kröfum um sambærileg laun og launauppgjör og gerist á Íslandi, annað má þrefa um, en í guðanna bænum undirmenn á Herjólfi, sendið einn af ykkur á sáttafundina, þar er fyrir maður sem ykkar fulltrúi, sem ég treysti ekki, lái mér hver sem vill.

Guðmundur Þ.B. Ólafsson
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).