Ræða frekari verkfallsaðgerðir á Herjólfi

13.Mars'14 | 10:11

höfn vestmannaeyjahöfn vestmannaeyjar vestmannaeyjabær

Ekkert varð af yfirvinnubanni skipverja á Brúarfossi við komu skipsins til Vestmannaeyja í morgun, sem Sjómannafélag Íslands hafði tilkynnt til Eimskips í gær. Samtök atvinnulífsins telja yfirvinnubannið hafa verið boðað ólöglega. Frekari verkfallsaðgerðir á Herjólfi eru til umræðu.
Deilt um yfirvinnubann
Samtök atvinnulífsins sem fara með samningsumboð fyrir Eimskip, rekstraraðila Herjólfs, í kjaradeilu við undirmenn á skipinu, bentu Sjómannafélagi Íslands á það í gær að verkfallsaðgerðir þyrfti að boða með viku fyrirvara auk þess sem kjósa ætti um þær leynilega meðal starfsmanna. Jónas Garðarsson hjá sjómannafélaginu segir í samtali við fréttastofu RÚV að ekki þurfi að boða yfirvinnubann, það sé einfaldlega ekki hægt að neyða starfsmenn til yfirvinnu. Eftir viðræður í gærkvöldi hafi verið ákveðið að falla frá aðgerðum um borð í Brúarfossi, sem siglir frá Vestmannaeyjum í dag með fiskafurðir á erlendan markað.
 
Frekari verkfallsaðgerðir á Herjólfi
Aðspurður um frekari verkfallsaðgerðir segir Jónas að hann hafi nýtt ferðina til Vestmannaeyja til að ræða það við sitt fólk á Herjólfi. Jónas vill ekki veita nánari upplýsingar um niðurstöðu þeirra viðræðna, en hann var staddur um borð í Herjólfi á leið frá Eyjum þegar fréttastofa náði tali af honum. Ríkissáttasemjari hefur boðað til sáttafundar í kjaradeilunni klukkan 13 á morgun, föstudag.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.