Viggó Kristjánsson æfir með ÍBV

21.Febrúar'14 | 08:12
Viggó Kristjánsson, leikmaður Breiðabliks, hefur æft með ÍBV undanfarna daga.
 
Viggó er samningsbundinn Blikum út þetta ár en hann hefur fengið leyfi til að æfa með Eyjamönnum.
,,Hann er að líta í kringum sig. Hann vildi reyna sig hjá okkur og við vildum skoða hann. Hann æfir með okkur út vikuna og síðan tökum við ákvörðun eftir helgi," sagði Sigurður Ragnar Eyjólfsson þjálfari ÍBV við Fótbolta.net.
 
Viggó er miðjumaður fæddur árið 1993 en hann lék með Gróttu áður en hann samdi við Breiðablik haustið 2011. Í fyrra spilaði hann sextán deildar og bikarleiki með Blikum.
 
ÍBV fékk á dögunum tvo leikmenn frá Trinidad & Tobago en Sigurður Ragnar útilokar ekki að félagið fái meiri liðsstyrk á næstunni.
 
,,Við erum að líta í kringum okkur. Það getur vel verið að við bætum við leikmannahópinn. Það er nægur tími fram að móti og við ætlum að skoða hverjir geta styrkt okkur," sagði Sigurður Ragnar.
 
Fyrr í vetur fékk ÍBV einnig markvörðinn Abel Dhaira aftur frá Úganda en hann kom til landsins í vikunni og er byrjaður að æfa með Eyjamönnum.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.