Hermann og David James ætla að þjálfa áfram saman

29.Janúar'14 | 08:40

Hemmi Hreiðars Hermann Hreiðarsson

Hermann Hreiðarsson hefur enn ekki ráðið sig til nýs félags eftir að hann lét af störfum sem þjálfari ÍBV að loknu síðasta tímabili. Markvörðurinn David James var aðstoðarþjálfari Hermanns í Eyjum og hyggja þeir á áframhaldandi samstarf.
 
„Við höfðum gaman af þessu í sumar og leið vel í starfinu. Við erum bara búnir með eitt ár í þjálfun og erum spenntir fyrir því að starfa áfram saman. Við teljum að það gæti reynst okkur báðum vel,“ sagði Hermann í samtali við Fréttablaðið í gær.
Þeir Hermann og James sendu inn sameiginlega umsókn um stöðu knattspyrnustjóra Portsmouth, þeirra gamla félags, í haust en voru ekki ráðnir. James er nú staddur í Englandi að klára UEFA A-þjálfaragráðu sína auk þess að starfa við þjálfun.
 
Sjálfur er Hermann í fríi frá knattspyrnunni í fyrsta sinn í langan tíma enda tók þjálfaraferillinn við af löngum atvinnumannasferli í Englandi.
 
„Nú horfir maður á þetta umhverfi utan frá í smá tíma sem er ágætt eftir að hafa verið á kafi í þessu í ansi mörg ár. Maður kemur síðan ferskur inn þegar eitthvað býðst,“ segir Hermann.
 
Hann stefnir að því að ná sér í æðstu þjálfaragráðu Knattspyrnusambands Evrópu, UEFA Pro License, en þangað til einbeitir hann sér að því að byggja upp hótelrekstur á Hellu.
 
„Maður er að stússast í þessu daginn út og inn og stefnan er ýta því úr vör í sumar. Svo veit maður aldrei hvað gerist.“

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).