Flugeldamarkaður Björgunarfélags Vestmannaeyja opnar í dag

28.Desember'13 | 11:16

Björgunarfélag Flugeldar

Í dag klukkan 13:00 opnaði flugeldamarkaður Björgunarfélags Vestmannaeyja að Faxastíg og verður hann opin daglega fram á gamlársdag en flugeldasala er stærsta fjáröflunarleið Björgunarfélagsins.
 
Eyjar.net hafði samband við Adolf Þórsson, formann Björgunarfélags Vestmannaeyja og ræddi við hann um flugeldasöluna í ár. En Adolf og félagar hans í Björgunarfélagi Vestmannaeyja mættu snemma í morgun til vinnu við flugeldamarkaðinn til að gera allt klárt fyrir opnunina í dag.
Hversu mikilvæg er flugeldasalan björgunarfélaginu:
“Hún er undirstaðan í rekstri félagsins og án hennar væri félagið ekki í stakk búið að takast á við þau verkefni sem felast í því að vera björgunarfélag. Félagið rekur öflugt nýliðastarfs ásamt því að björgunarfélagið rekur björgunarbátinn Þór. Félagið treystir á þessa fjáröflunarleið og hafa bæjarbúar staðið þétt að baki okkur og erum við þakklátir fyrir stuðning þeirra á hverju ári sagði Adolf Þórsson”
 
 
Eru einhverjar nýungar í ár sem vert er að skoða?
Síðustu ár hafa tertur komið gríðarlega sterkar inn og er verið að bæta inn nýjum tertum á hverju ári. Terturnar eru í raun og veru litlar flugeldasýningar í pappakössum. Hægt er að finna t.d. tertur með miklum og fallegum ljósum og einnig sem eru með sérstaklega mikið af sprengjum en minni ljós.
Kappar Íslandssögunnar, Grettir, Gunnar, Njáll og fleiri lýsa upp himininn og ekki má gleyma valkyrjunum Hallgerði, Guðríði, Guðrúnu og Auði. “Ég vil meina að terturnar séu eins og Harpa tónlistarhús, þar má finna ýmsa tegundir menningar. Allt frá fögrum tónum Sinfóníuhljómsveitar Íslands upp í þunga tóna Skálmaldar. Kappa terturnar eru svipaðar allt frá fallegri og rómantískri ljósadýrð upp í miklar sprengingar” segir Adolf dreyminn á svip.
 
Hvernig er veðurspáin fyrir áramótin?
Allt stefnir í gott veður eins og vanarlega á gamlárskvöld. Kortin eru með hæga austan norðaustan átt með 5 metrum á sekúndu. Engin ofankoma er í kortunum og hitastigið verður um 4-6 gráður.
 
 
Hvernig er opnunartími flugelda markaðaðarins að Faxastíg:
Laugardagurinn 28.des 13:00 - 21:00
Sunnudagurinn 29.des 10:00 - 21:00
Mánudagurinn 30.des 10:00 - 21:00
Þriðjudagurinn 31.des 09:00 - 16:00
 
Föstudagur 3.jan 13:00 - 19:00
 
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.