Abel semur á ný við ÍBV

20.Desember'13 | 11:26

Abel

Eyjamenn hafa fengið úganska landsliðsmarkvörðinn Abel Dhaira aftur til liðs við sig en hann hefur gert þriggja ára samning við félagið.
 
Abel er Eyjamönnum að góðu kunnur, enda lék hann með ÍBV keppnistímabilin 2011 og 2012 við góðan orðstír áður en hann gekk til liðs við Simba SC í Tanzaníu.
 
Abel, sem er 26 ára, hefur leikið 14 A landsleiki fyrir Úganda og 37 leiki fyrir ÍBV.
 
,,Abel er gríðarlega sterkur í loftinu og sýndi oft og tíðum frábær tilþrif með ÍBV þann tíma sem hann lék með liðinu. Abel er væntanlegur til Vestmannaeyja fljótlega á nýju ári og mun því taka þátt í undirbúningstímabilinu af fullum krafti," segir í fréttatilkynningu frá ÍBV.
 
Fyrir í markinu hjá ÍBV er Guðjón Orri Sigurjónsson. Á síðasta keppnistímabili stóð Guðjón Orri á milli stanganna í 7 leikjum í deildar- og bikarkeppni í fjarveru David James og stóð sig gríðarlega vel.
 
Guðjón Orri, sem er 21 árs, samdi við ÍBV til ársins 2015 fyrr á þessu ári. Þá er markmaðurinn Halldór Páll Geirsson sem er 19 ára, einnig í ÍBV.
 
,,Ljóst er að samkeppnin um markvarðarstöðuna hjá ÍBV verður hörð fyrir næsta keppnistímabil," segir einnig í tilkynningu frá Eyjamönnum.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.