Verðum að fá nýtt skip

segir Elliði Vignisson bæjarstjóri

6.Nóvember'13 | 08:03
Elliði Vignisson, bæjarstjóri Vestmannaeyja segir það algjörlega fullreynt að fá notað skip til að sigla milli Landeyjahafna og Vestmannaeyja. Nú verði að gera nauðsynlegar umbætur á höfninni og fá nýtt skip. Hann segir sömu rök hljóti að gilda um 4 milljarða hafnarframkvæmd og Hörpu.
Breiðafjarðarferjan Baldur fær ekki undanþágu frá Siglingastofnun til að sigla milli Vestmannaeyja og Landeyjahafnar eins og undanfarin tvö ár. Bæjarstjóri Vestmannaeyja að sömu rök hljóti að gilda um Hörpu og Landeyjahöfn, fjögurra milljarða krónu höfn verði vart látin standa tóm nokkra mánuði á ári.
 
Elliði segir þetta þýða að höfnin lokist í þrjá til fjóra mánuði. Ef Baldur hefði fengið undanþáguna hefðu sextíu til sjötíu dagar bæst við, að sögn Elliða.
 
Þar munar miklu um djúpristu Baldurs og að ferjan getur siglt þessa leið þegar ölduhæðin er 3,3 metrar. Ölduhæðin sem Herjólfur ræður við er tveir og hálfur metri.
 
Ellið segir að nú verði að höggva á þennan hnút, gera þurfi nauðsynlegar umbætur á Landeyjahöfn og leyfa henni að þróast. Og svo verði að fá nýja ferju. „Ég veit að ríkið byggir ekki höfn fyrir fjögur þúsund milljónir en sleppir því að byggja skip til að nota þessa framkvæmd. Þau rök sem komu fram við að ljúka við framkvæmd Hörpu hljóti að gilda þegar komið er út fyrir höfuðborgarsvæðið.“

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.