KSÍ kom í veg fyrir að Sigurður Ragnar spilaði með ÍBV árið 2002

21.Október'13 | 07:35
Sigurður Ragnar Eyjólfsson samdi um helgina við ÍBV um að þjálfa liðið næstu þrjú árin en hann tekur við af Hermanni Hreiðarssyni.
Það muna ekki allir eftir því en árið 2002 var Sigurður Ragnar nánast genginn til liðs við ÍBV en var nýráðinn sem fræðslustjóri KSÍ og sambandið hindraði hann í að fara þangað svo hann endaði á að semja við KR í staðinn.
 
Nú þegar Sigurður Ragnar er tekinn við ÍBV vill KSÍ að hann hætti starfi fræðslustjóra en hann útskýrði málið eftir undirskriftina við ÍBV.
 
,,Árið 2002 æfði ég með ÍBV og var næstum genginn til liðs við félagið en þá fór það illa saman við að ég var nýbúinn að ráða mig í vinnu hjá KSÍ sem fræðslustjóri," sagði Sigurður Ragnar við Gunnar Karl Haraldsson fréttamann Fótbolta.net í Vestmannaeyjum á laugardaginn.
 
,,Það hefði þýtt miklar fjarvistir frá vinnu að vera í Vestmanneyjum fannst þeim. Það gekk því miður ekki upp, en hefði verið gaman að spila með ÍBV. Ég endaði síðan á að fara í KR og var svosem alveg sáttur við það, við unnum Íslandsmótið bæði 2002 og 2003."
 
,,En það er þannig að fræðslustjórastaðan gengur kannski ekki saman með því að vera að þjálfa fyrir eitt af félögunum í Pepsi-deildinni svo KSÍ vill að ég hætti því starfi núna. En það verður ekki alveg strax, við þurfum að hafa tíma til að þjálfa upp nýjan mann í starfið. Ég mun hitta Þóri Hákonarson framkvæmdastjóra KSÍ í vikunni og við ákveðum í sameiningu hvenær er hentur tímapunktur í að ég stígi frá."
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.