Hermann lofaði Eyjamönnum fimmtán bjórum fyrir sigurinn

10.September'13 | 08:08
David James, markvörður Eyjamanna, skrifaði um það í pistli á The Observer þegar hann spilaði sinn þúsundasta leik á ferlinum en það gerði kappinn með ÍBV á móti Fylki á Fylkisvellinum á dögunum. David James segist einnig vera mikill tölfræðiáhugamaður og er alveg með það á hreinu hvaða met hann á og á ekki.
James segir frá því að hann hefði á sínum tíma aldrei getað ímyndað sér að spila þúsundasta leikinn á ferlinum fyrir lið frá lítilli eyju fyrir framan 1200 manns og með litríkt höfuðband á enninu sem er eins og hann segir í tísku á Íslandi. James segist þó vera jafn spenntur fyrir að spila fótbolta og áður en hann er orðinn 43 ára gamall.
 
James segir að hinir í liðinu hafi haft meiri áhuga á þeim fimmtán bjórum sem þjálfarinn Hermann Hreiðarsson bauð leikmönnum liðsins fyrir sigur í leiknum. Eftir leikinn var síðan rifist um það hvort að þetta voru fimmtán bjórar fyrir allt liðið eða fimmtán bjórar á hvern leikmann.
 
James segir þúsundasta leikinn ekki hafa getað endað betur, því liðið vann langþráðan sigur, hann hélt hreinu og var kosinn maður leiksins og ÍBV náði í sitt þúsundasta stig í efstu deild.
 
James skrifar líka um Heimaey í pistli sínum en svo fer hann út í það að skrifa um áhuga sinn á tölfræði og metum. Hann hefur þannig reiknað út að hann hafi spilað fleiri mínútur í úrvalsdeildinni en Ryan Giggs og að leikmaður Manchester United vanti enn fjögur þúsund mínútur að ná honum.
 
Það er hægt að lesa þennan skemmtilega pistil með því að smella hér.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.