Menn fara beint af eyjunni ef leikurinn tapast

segir Hermann Hreiðarsson um leik ÍBV og FH

2.Ágúst'13 | 09:22

fótbolti

„Það ættu í raun öll bæjarfélög að fá heimaleik þegar einhverskonar bæjarhátíð er í gangi. Það má nefna írska daga upp á Skaga í þessu sambandi,“ sagði Hermann Hreiðarsson, þjálfari ÍBV, í viðtali við þá Harmageddon-bræður á útvarpsstöðinni X-977 í gær.
Talið barst fljótlega að ströngum reglum KSÍ varðandi áfengi á vellinum og almennar reglur í kringum knattspyrnuleiki.
 
„Þetta munar öllu fyrir klúbbana. Stundum er eins og menn mega ekki skemmta sér á vellinum hér á Íslandi. Það hef mikil hefð fyrir knattspyrnuleikjum á Englandi og þar gera menn sér dag í kringum einn leik. Það er farið á barinn fyrir og eftir leik og hlutirnir ræddir ítarlega. Laugardagur er ekkert venjulegur dagur á England, það er bara leikdagur og það snýst allt um viðkomandi leik.“
 
Leikur ÍBV og FH fer fram á Hásteinsvelli klukkan 14:00 á morgun en um þessa helgi fer fram hin árlega Þjóðhátíð í Vestmannaeyjum. Talið er að um 13000 manns verði í bænum á sama tíma og leikurinn fer fram.
 
„Ég hef engar áhyggjur af framkvæmd leiksins. Við verðum með gríðarlega mikla gæslu á meðan leiknum stendur og síðan fer leikurinn nú fram snemma dags og menn eiga að vera í ágætu standi þá.“
 
Hásteinsvöllurinn hefur leyfir fyrir 2600 manns á vellinum en mjög líklega verða fleiri áhorendur á leiknum en sá fjöldi.
 
„Það verður erfitt að vísa fólki frá vellinum en á einhverjum tímapunkti verður að sjálfsögðu orðið uppselt. Ég vona að það verði bara mikil stemmning á vellinum og fólk muni eftir þessum leik.“
 
Hermann vill ekkert nema sigur í leiknum gegn FH.
 
„Menn fara ekkert út að skemmta sér ef leikurinn tapast, bara beint af eyjunni og upp í bústað,“ sagði Hermann léttur.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.