Handklæði á baðherberginu í 40 ár

14.Maí'13 | 08:00
Handklæði hangir enn inni á baðherbergi húss sem hefur verið grafið upp úr vikri, 40 árum eftir Heimaeyjargosið. Bæjarstjóri Vestmannaeyja segir að það sé mögnuð tilfinning að sjá húsið eins og íbúarnir skildu við það.
Húsið mikið sprungið
Einbýlishúsið að Gerðisbraut 10 verður hluti af safninu Eldheimar, gosminjasafni um Heimaeyjargosið. Áætlað er að það verði fullbúið fyrir goslokahátíð næsta sumars. Forsvarsmenn Vestmannaeyjabæjar og hönnuðir skoðuðu í dag húsið í fyrsta sinn að innanverðu til að meta ástand þess. Eftir 40 ár undir vikri er húsið mikið sprungið. Þó húsið verði styrkt að innan er ekki talið öruggt að sýningargestir gangi um það. Einstaka innanstokksmunir eru heillegir. Þeir eru hljóðir minnisvarðar um skyndilegan flótta fjölskyldunnar gosnóttina 23. janúar 1973.
 
Mögnuð tilfinning að skoða húsið
Elliði Vignisson, bæjarstjóri Vestmannaeyja, segir að það sé mögnuð tilfinning að ganga um hús sem hafi verið grafið í jörðu í 40 ár. Þeir munir sem enn eru í húsinu muni reynast hönnuðum einstakt hráefni til að miðla frásögninni af því þegar eldgos hófst nærri byggð á Heimaey.
 
Þrír hönnuðir kepptu
Axel Hallkell Jóhannesson, sýningarhönnuður, er einn þriggja hönnuða sem voru fengnir til að gera tillögur að safninu. Hugmynd hans varð fyrir valinu en hann segist ætla að bjóða safngestum upp á ferðalagi. „Annars vegar að skoða rústina og fara síðan aftur í tímann og sjá hvernig lífið var hér fyrir gos,“ segir Axel. Hann segir að myndir og önnur tækni verði notuð til að miðla sögunni um gosið, en hún verði þó ekki eingöngu fræðileg. „Við leyfum okkur að fara inn í tilfinningarnar og frásögnin er svolítið þannig,“ bætir Axel við.

Hægt er að sjá fréttina með því að smella hér
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%