Íbúakosning um hótel við Hástein

10.Maí'13 | 12:20
Bæjarstjórn Vestmannaeyja hefur samþykkt að fram fari íbúakosning um byggingu hótels við Hástein og fer könnunin fram 21.-22.maí nk. Til að nýta atkvæðarétt sinn eru tvær leiðir í boði. Annars vegar er hægt að kjósa í Safnahússinu frá 08-16 báða dagana og hins vegar er um að ræða rafræna kosningu. Til þess að geta kosið rafrænt, þá þarf að sækja um svokallaðan Íslykil, sem er nokkurs konar auðkennislykill á Internetinu. Til þess að sækja um Íslykil þarf að fara á vefsíðuna http://www.island.is/islykill.
 
Þar má sjá tengil „Panta Íslykil“ sem tekur notandann á síðu þar sem hægt er að panta Íslykil. Þar er slegin inn kennitala notandanns og merkt við hvernig viðkomandi vill fá Íslykilinn afhentan. Í netbanka/heimabanka eða í bréfpósti á lögheimili. Athugið að það getur tekið allt að viku að fá lykilinn í bréfpósti og því er nauðsynlegt fyrir þá sem ekki hafa aðgang að heimabanka að sækja um lykilinn sem allra fyrst, hafi þeir á annað borð áhuga á að taka þátt í íbúakosningunni með rafrænum hætti.
 
Eftir að Íslykillinn hefur borist þarf að skrá sig inn á „Mínar síður“ hjá island.is Við það er handhafa Íslykilsins boðið að velja sér nýja auðkennisstreng sem betur er að muna. Allar nánari upplýsingar um Íslykil Þjóðskrár Íslands má finna á vefsíðunni http://www.island.is/islykill.
 
 
 
Aldrei áður hefur verið leitað beint til bæjarbúa eftir afstöðu til mála af þessu tagi. Á næstu dögum verður sent kynningarefni í öll hús í Vestmannaeyjum sem fólk er beðið um að kynna sér. Er það von Vestmannaeyjabæjar að sem flestir nýti sér rétt sinn og taki þátt í atkvæðagreiðslunni.
 
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.