Hvers vegna?

Ragnar Óskarsson skrifar

4.Apríl'13 | 12:35

Raggi Óskars, Ragnar óskarsson

Nú er stutt til kosninga. Í öllum könnunum vekur mesta athygli að fylgi Sjálfstæðisflokksins er á hraðri niðurleið svo annað eins hefur ekki gerst fyrr í sögunni. Þegar svo er komið veltir maður fyrir sér hvað þessu veldur. Ég held reyndar að skýringarnar séu tiltölulega einfaldar. Ég held að þjóðin sé loks búin að sjá í gegn um Sjálfstæðisflokkinn. Þegar almenningur í landinu spyr sig spurningarinnar: „Hvers vegna kýs ég ekki Sjálfstæðisflokkinn” ? láta svörin ekki á sér stada því þau blasa hvarvetna við.
- Það er vegna þess að Sjálfstæðisflokkurinn ætlar að lækka skatta á þá sem hæstu launin og bestu afkomuna hafa, en alls ekki lækka á hina tekjulægstu.
- Það er vegna þess að Sjálfstæðisflokkurinn ætlar enn að auka launalegan og félagslegan ójöfnuð í landinu.
- Það er vegna þess að margir máttarstólpar Sjálfstæðisflokksins voru aðalleikarar í hruninu og kreppunni og hafa fyrir löngu ofboðið þjóðinni freklega. Þessir máttarstólpar gegna enn mikilvægu hlutverki hjá flokknum og víða á hans vegum.
- Það er vegna þess ýmsir frambjóðendur Sjálfstæðisflokksins nú eiga vafasama fortíð í fjármálaheiminum og hafa ekki getað gert upp við þessa fortíð.
- Það er vegna þess að Sjálfstæðisflokkurinn tekur einkahagsmuni auðmanna og þarfir þeirra fram yfir hagsmuni þjóðarinnar.
- Það er vegna þess að Sjálfstæðisflokkurinn og forystumenn hans báru ábyrgð á hruni Seðlabankans sem olli nánast þjóðargjaldþroti.
- Það er vegna þess að Sjálfstæðisflokkurinn vill enn sem fyrr selja auðlindir landsmanna til einkaaðila þrátt fyrir eindreginn vilja þjóðarinnar gegn því.
- Það er vegna þess að Sjálfstæðirflokkurinn ber með Framsóknarlokknum höfuðábyrgð á skuldavanda heimilanna.
- Það er vegna andstöðu Sjálfstæðisflokksins við að þjóðin fái lýðræðislega stjórnarskrá sem afnemur forréttindi og kemur á almennum lýðréttindum.
 
Þegar almenningur á Íslandi gerir sér grein fyrir því fyrir hvað Sjálfstæðisflokkurinn stendur eins og nú virðist vera að gerast er auðvitað komin skýring á miklu fylgistapi flokksins og því er ástæða til að fagna. Og það ber að fagna því ef þjóðin ber gæfu til þess að minnka sem mest völd þess flokks sem hefur í sögu sinni ávallt verið talsmaður sérhagsmuna og forréttinda á kostnað hagsmuna þjóðarinnar.
Ragnar Óskarsson
 
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is