Dagbók lögreglunnar

Tveir gistu fangageymslur eftir líkamsárás og innbrot

Helstu verkefni frá 18. til 24. mars 2013

25.Mars'13 | 14:42

Lögreglan,

Nokkur erill var hjá lögreglu í vikunni sem leið og hin ýmsu mál sem upp komu, enda lögreglustarfið fjölbreytt. Skemmtanahald helgarinnar fór fram með ágætum og lítið um að lögreglan hafi þurft að hafa afskipti af gestum öldurhúsanna.
Að kvöldi 19. mars sl. var lögreglu tilkynnt um líkamsárás fyrir utan Vestmannabraut 33 en þarna hafði húsráðandi komið að tveimur mönnum sem voru við heimili hans og réðist annar mannanna á húsráðandann sem flúði af vettvangi. Maðurinn sem ráðist var á fékk skurð á höfuð en hann hafði verið slegin með skafti sem er af málningarsköfu. Árásarmennirnir voru handteknir skömmu síðar og voru vistaðir í fangageymslu þar til víman var runnin af þeim, en þeir voru töluvert ölvaðir. Við yfirheyrslu viðurkenndi annar þeirra að hafa slegið húsráðandann og þá viðurkenndu þeir að hafa brotist inn á heimili þess sem ráðist var á. Kvaðstu þeir hafa haft upplýsingar um að þar væru fíkniefni geymd og ætluðu að stela þeim. Það reyndist hins vegar ekki rétt og höfðu þeir ekkert upp úr krafsinu. Málið telst að mestu upplýst.
 
Síðdegis þann 19. mars sl. var lögreglu tilkynnt um slys um borð í Júpiter ÞH en þarna hafði maður sem var að vinna við löndun fallið niður í lest skipsins. Ekki er talið að um alvarlegt slys hafi verið um að ræða en sá sem slasaðist var fluttur á Heilbrigðisstofnun Vestmanneyja til skoðunar.
 
Tvö umferðaróhöpp voru tilkynnt lögreglu í vikunni en í báðum tilvikum var um minniháttar óhöpp að ræða og engin slys á fólki.
 
Tveir ökumenn voru sektaðir í vikunni vegna brota á umferðarlögum. Annar fékk sekt bæði fyrir að virða ekki stöðvunarskyldu og að hafa ekki haft ökuskírteini meðferðis, en hinn ökumaðurinn var sektaður fyrir að aka án þess að hafa öryggisbelti spennt í akstir og að tala í farsíma við akstur.
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).