Kauptrygging og kaupliðir sjómanna hækkað tvisvar, um 4,25% þann 1. júní 2011 og um 3,5% þann 1. febrúar 2012

segir í frétt á vef LÍU

3.Janúar'13 | 08:13

Þorskur fiskur

Sjómannafélögin Jötunn og VM í Vestmannaeyjum og sjómannadeild Framsýnar sendu nýlega frá sér tilkynningar þar sem því er mótmælt að hlutaskiptakerfi sjómanna og útvegsmanna verði endurskoðað í ljósi margföldunar veiðigjalda. Í tilkynningunum segir að óásættanlegt sé að sjómenn hafi verið samningslausir í tvö ár.
Vegna þessara yfirlýsinga vilja útvegsmenn koma eftirfarandi á framfæri:
 
Þrátt fyrir að kjarasamningar útvegsmanna og sjómanna hafi verið lausir síðastliðin tvö ár hafa kauptrygging og kaupliðir sjómanna hækkað tvisvar, um 4,25% þann 1. júní 2011 og um 3,5% þann 1. febrúar 2012. Laun sjómanna ráðast fyrst og fremst af verðmæti afla. Þegar vel árar, eins og síðustu ár, hafa sjómenn og útvegsmenn haft góðar tekjur. Með lögum um veiðigjöld frá síðasta sumri voru gjöldin margfölduð og grundvelli hlutaskiptakerfisins kollvarpað af hálfu stjórnvalda. Það blasir við að ekki er hægt að ætlast til að útgerðin greiði laun af þeim hluta sem ríkið tekur.
 
Útvegsmenn vísuðu kjaraviðræðum við sjómenn til ríkissáttasemjara með það að markmiði að ná samningum. Sú viðleitni hefur ekki borið árangur og enn ber mikið á milli samningsaðila.
 
Útvegsmenn og sjómenn stóðu sem einn maður á Austurvelli til að koma í veg fyrir alvarlegar afleiðingar af illa ígrunduðum tillögum um margföldun veiðigjaldsins. Fyrir þann stuðning ber að þakka. Því miður voru lögin samþykkt og eru varnaðarorð þeirra sem mótmæltu nú að rætast.
 
Á fundi sjómanna og útvegsmanna á Austurvelli var ákvörðun stjórnvalda um afnám sjómannaafsláttarins mótmælt harðlega. Útvegsmenn hafa alltaf stutt þá kröfu sjómanna.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%