Á sl. mánuðum hefur aðallega verið unnið í því að finna út hönnunarforsendur fyrir nýja ferju sem hentar til siglinga í Landeyjahöfn

segir m.a. í svari Vegagerðarinnar til Guðmundar Þ.B. Ólafssonar

3.Janúar'13 | 10:51
Guðmundur Þ.B. Ólafsson sendi Eimskip, Siglingastofnun, Vegagerðinni og innanríkisráðaneytið nokkrar spurningar fyrir jól varðandi samgöngumál eyjanna. Vegagerðin svaraði honum í dag og er það eini aðilinn sem hefur svarað honum. Svör þeirra má finna hér að neðan: 
 
Þar sem Eimskip telur illgerlegt að sigla Herjólfi í Landeyjarhöfn, er spurt, er verið að vinna að því að útvega hentugra skip til þeirra siglinga?
Svar: Á sl. vetri var lögð mikil vinna í það að finna annað skip sem hentaði betur til siglinga í Landeyjahöfn, sem kæmi þá í staðinn fyrir Herjólf alfarið. Sú könnun bar ekki árangur. Auk þess voru skoðaðir möguleikar á því á leigja eða kaupa skip sem hentaði betur til siglinganna, þ.e. minna skip, sem kæmi ekki alfarið í stað Herjólfs og væri það skip notað sem mest yfir vetrarmánuðina en Herjólfur sigldi til Þorlákshafnar þegar ekki væri fært fyrir áður nefnt skip til Landeyjahafnar. Herjólfur væri síðan notaður yfir sumarmánuðina til siglinga í Landeyjarhöfn. Þessi leið kostaði of mikið enda aukinn kostnaður því samhliða að halda úti tveimur ferjum og kostnaður því meiri en samgönguyfirvöld höfðu til ráðstöfunar.
Á sl. mánuðum hefur aðallega verið unnið í því að finna út hönnunarforsendur fyrir nýja ferju sem hentar til siglinga í Landeyjahöfn, sjá næsta svar.
 
Hver er staðan varðandi smíði á nýju skipi og hvenær má gera ráð fyrir að það verkefni verði boðið út?
Svar: Á sl. mánuðum hefur starfað vinnuhópur á vegum innanríkisráðuneytisins sem hefur haft það verkefni að finna hönnunarforsendur fyrir nýja ferju, sem hentar til siglinga í Landeyjahöfn. Vinnuhópurinn mun skila af sér niðurstöðum fljótlega eða í lok janúar eða byrjun febrúar nk. Um svör við framhaldi verkefnisins eftir það og hvenær verkefnið verði boðið út er vísað til ráðuneytisins.
 
Hersu stórt skip er verið að vinna með og hver er áætluð flutningsgeta?
Svar: Niðurstaða um þessi atriði liggur ekki endanlega fyrir en eftir vinnu í hermilíkani á sl. vikum hafa verið prófuð mismunandi stærðir á skipum til að sjá hvaða stærð hentar best til silinga í Landeyjarhöfn ásamt öðrum atriðum. Niðurstöðu um stærð skips er að vænta með niðurstöðu um hönnunarforsendur ferju.
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is