Bæjarráð leggur til að útsvarsprósentan verði óbreytt frá fyrra ári eða 14,48%.

Bæjarráð mótmælir fyrirhuguðum hækkunum á gjaldskrá Herjólfs

14.Desember'12 | 08:30

Vestmannaeyjar Vestmannaeyjabær

Bæjarráð Vestmannaeyja fundaði í gær og samþykkti ráðið m.a. að leggja það til að útsvarsprósenta Vestmannaeyjabæjar yrði óbreytt á komandi ári eða 14,48%.
Bæjarráð mótmælir harðlega fyrirhugaðri hækkun á gjaldskrá Herjólfs. Í því samhengi bendir bæjarráð Vegagerð, þingmönnum og öðrum sem að málum þessum koma á að kostnaður fyrir fjögurra manna fjölskyldu sem ferðast milli Vestmannaeyja og Þorlákshafnar með bíl sinn og nýtir kojur er í dag hvorki meiri né minni en 34.740 krónur í hvert skipti. Eftir það tekur við allur sami ferðakostnaður og aðrir íbúar þessa lands greiða svo sem eldsneyti, slit á bifreið og annað sem við á. Með fyrirhugaðri hækkun verður kostnaður þessarar fjölskyldu við að komast í vegasamaband með því að nýta Herjólf 38.214 krónur. Fari fjölskyldan 5 sinnum á ári þessa leið er kostnaðurinn ?bara við Herjólfsferðir- hvorki meiri né minni en 191.070 krónur. Slíkar álögur á fjölskyldur í Vestmannaeyjum er ekki á neinn máta eðlilegar og því mótmælir bæjarráð harðlega. Þingmenn suðurlands eru hvattir til að láta að sér kveða í þessu máli.
 
Akstursþjónusta
Bæjarráð tekur ekki afstöðu til hugmynda fjölskyldu- og tómstundaráðs hvað varðar framkvæmd akstursþjónustunnar svo fremi sem slíkt rúmist innan fjárhagsáætlunar. Bæjarráð vekur í því samhengi athygli á því að á seinasta fundi bæjarstjórnar var samþykkt fjárhagsáætlun fyrir árið 2013. Þar var samþykkt hækkun á rekstrarlið aksturþjónustunnar en ekki gert ráð fyrir kaupum á sérútbúinni bifreið fyrir akstursþjónustuna. Af þeim orsökum getur bæjarráð ekki samþykkt þann hluta erindisins sem gerir ráð fyrir kaupum á bifreið að verðmæti 11 milljónir.
Bæjarráð felur framkvæmdastjóra að leita leiða til að aksturþjónustan falli innan nýsamþykktrar fjárhagsáætlunar 2013.
Að öðruleiti samþykkir bæjarráð erindið.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.