Sjóslysaæfing við skrifborðið

7.Desember'12 | 09:48
Vinnuhópur, sem fer yfir þætti sem lúta að björgun verði sjóslys í Landeyjahöfn, á að skila niðurstöðum fyrir 10. janúar 2013. Þetta var ákveðið á fundi sem Kjartan Þorkelsson, lögreglustjóri á Hvolsvelli, boðaði til í gær um öryggismál í Landeyjahöfn. Í vinnuhópnum eru fulltrúar lögreglunnar á Hvolsvelli, almannavarnadeildar ríkislögreglustjóra, Vegagerðarinnar, Siglingamálastofnunar, Eimskips og Landhelgisgæslunnar.
Kjartan sagði að fundurinn í gær hefði verið liður í undirbúningi viðbúnaðaráætlunar vegna Landeyjahafnar. Almannavarnadeild ríkislögreglustjóra stýrir gerð áætlunarinnar. Hann sagði að tilgangur fundarins hefði verið að kalla alla aðila saman og fara yfir stöðu mála við gerð viðbúnaðaráætlunarinnar.
 
Stjórnunaræfing, svonefnd „skrifborðsæfing“, verður haldin 17. janúar þar sem æfð verða viðbrögð við mögulegu sjóslysi í eða við Landeyjahöfn. Víðir Reynisson, deildarstjóri almannavarnadeildar ríkislögreglustjóra, sagði að stuðst yrði við upplýsingar sem vinnuhópurinn mun skila af sér til að ákveða áherslur í skrifborðsæfingunni.
 
Almannavarnadeild ríkislögreglustjóra er einnig að undirbúa verklegar björgunaræfingar með útgerð Herjólfs, björgunarsveitum og Landhelgisgæslunni. Þær frestuðust þegar Herjólfur þurfti að fara í viðgerð eftir að hafa rekist utan í hafnargarð í Landeyjahöfn.
 
Víðir sagði að reynt yrði að fara í verklegu æfingarnar eins fljótt og auðið yrði eftir að Herjólfur kæmist aftur í gagnið. Þá yrði fundað með Eimskipi, Landhelgisgæslunni og björgunarsveitum um hvaða dagur hentaði til æfinga.
 
Víðir sagði að Björgunarfélag Vestmannaeyja og björgunarsveitir úr nærsveitum Landeyjahafnar myndu taka þátt í æfingunum ásamt Landhelgisgæslunni.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.