Mjög óvenjulegt að hraun renni í byggð

Hraunrennsli gæti mögulega valdið tjóni í Vestmannaeyjum og Grindavík

23.Október'12 | 08:24

eldgos

Hraunrennsli getur mögulega valdið tjóni í tveimur þéttbýlisstöðum á Íslandi, að mati Páls Einarssonar jarðeðlisfræðings. Það er í Vestmannaeyjakaupstað, eins og sannaðist í Heimaeyjargosinu 1973, og í Grindavík. Þetta kom fram í erindi Páls síðastliðinn föstudag á ráðstefnunni Björgun 2012. Yfirskrift erindisins var „Jarðskjálfta- og eldfjallavá í nágrenni Reykjavíkur“.
Það er mjög óvenjulegt á Íslandi að hraun renni í byggð. Flest hraunasvæði okkar eru í reginóbyggðum. Þess vegna er hætta af hraunrennsli yfirleitt sáralítil,“ sagði Páll. Hann sagði sjaldgæft að hraunrennsli valdi öðru en eignatjóni.
 
Páll benti á að hraun hefðu runnið fyrir löngu þar sem höfuðborgarsvæðið er nú. „Það getur gerst en það eru mjög litlar líkur á slíkum atburði,“ sagði Páll. Hann sagði að nokkur hraun hefðu runnið eftir ísöld á höfuðborgarsvæðinu. Fyrir um 5.000 árum rann hraun niður Elliðaárdalinn og út í Elliðavog.
 
Eldra er Búrfellshraun sem rann þar sem nú er Garðabær og í sjó fram á Álftanesi. Einnig rann hraun frá Undirhlíðum sunnan við Hafnarfjörð þar sem Vellirnir og Straumsvík eru í dag. „Þetta eru þau svæði þar sem hraunflæði gæti hugsanlega valdið tjóni hér. Það er þá fyrst og fremst svæðið fyrir sunnan Hafnarfjörð sem er í hættu af þessum ástæðum,“ sagði Páll. Hann sagði menn þekkja miklu betur gjóskufall í byggð eins og nýlegt dæmi sanni. Ösku frá Grímsvatnagosinu 2011 og Eyjafjallajökulsgosinu 2010 varð m.a. vart á höfuðborgarsvæðinu.
 
Nánar í Morgunblaðinu í dag

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).