Undirbúningur fyrir goslokahátíð 2013 er hafinn

11.Október'12 | 13:36

goslok

 
Undirbúningur fyrir goslokahátíð 2013 er nú hafinn, en í janúar n.k. verða 40 ár liðin frá því að gos hófst á Heimaey. Mun miðvikudeginum 23. janúar verða gert hátt undir höfði með minningarstund og öðrum viðburðum. Goslokahátíðin okkar verður að sjálfsögðu á sínum stað fyrstu helgina í júlí, þ.e. 5.-7. júlí 2013. Þess á milli verða fjölbreyttir viðburðir tengdir gosinu.
Goslokahátíðin er hátíð sem Vestmannaeyingar geta verið stoltir af. Hún er tákn magnaðrar sögu sem er einsdæmi í íslensku samfélagi og þó víðar væri leitað. Um leið og við vottum sögunni og náttúrunni þá virðingu sem hún á skilið og minnumst þeirrar óvissu, ótta og sorgar sem Vestmannaeyingar gengu í gegnum þá hyllum við jafnframt þá yfirnáttúrulegu sigra sem hér voru unnir í uppbyggingu og endurheimt byggðar. Þessi saga bindur alla Eyjamenn saman sterkum böndum, hvort sem þeir hafi upplifað gosið sjálfir eða ekki. Goslokahátíðin er því hátíðin okkar og hún verður ekki til nema með samstilltu átaki þeirra sem að henni koma.
 
Goslokanefnd ársins 2013 hefur formlega tekið til starfa og óskum við eftir samstarfi við einstaklinga og/eða fyrirtæki sem áhuga hafa á að koma að hátíðinni, hvort heldur sem er með hugmyndum, ábendingum, spurningum eða öðru viðeigandi. Hægt er að hafa samband við fulltrúa goslokanefndar í Ráðhúsinu eða í síma 488-2000.
 
f.h Goslokanefndar
Hildur Sólveig Sigurðardóttir

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.