Fyrsti kvenleikmaðurinn úr samstarfi við KFR sem gerir samning við meistaraflokk

Á lokahófi KSÍ var meistaraflokkur kvenna valið prúðasta lið Pepsí deildarinnar og er þetta annað árið í röð sem stelpur fá þessa viðurkenningu. Einnig var Anna Þórunn Guðmundsdóttir valin prúðasti leikmaður deildarinnar.

 

Strax eftir mót var byrjað að undirbúa næsta tímabil og skrifaði nýverið Sabrína Lind Adolfsdóttir undir samning við meistaraflokk kvenna. Sabrína kemur til ÍBV í gegnum samstarf félagsins við nágranna ÍBV af suðurlandi KFR. Sabrína var á síðastliðnu sumri einn besti leikmaður 3.flokks ásamt því að leika stórt hlutverk í vörn 2.flokks. Sabrína mun taka þátt í vetur í starfi Akademíu ÍBV og FÍV.

Sóley Guðmundsdóttir samdi um helgina til tveggja ára við ÍBV. Sóley sem var um helgina valin efnilegasti leikmaður meistaraflokks heldur því tryggð við sitt uppeldisfélag. Það er engum blöðum um það að flétta að Sóley var með betri leikmönnum liðsins í sumar og ætlar sér greinilega að banka á dyr landsliðsins í framtíðinni.

 

Knattspyrnuráð kvenna skrifaði einnig um síðastliðna helgi undir samninga við alla leikmenn 2.flokks félagsins. Hópurinn hittist á Hótel Vestmannaeyja ásamt foreldrum og átti saman góða stund áður en skrifað var undir samninga. Þetta er liður knattspyrnuráðsins í að styrkja undirstöður meistaraflokks í framtíðinni. 2.flokkur leikur í A-deild á næsta ári og er því erfitt verkefni framundan.