Ásmundur Friðriksson sækist eftir 3.sætinu í Suðurkjördæmi

1.Október'12 | 08:08
Ásmundur Friðriksson, fyrrverandi bæjarstjóri í Garði, sækist eftir 3. sæti á lista Sjálfstæðisflokksins í Suðurkjördæmi fyrir næstu alþingiskosningar.
„Í störfum mínum sem þingmaður vil ég ná árangri undir þjónandi forystu Sjálfstæðisflokksins fyrir hinn vinnandi mann. Eina leiðin til að bæta lífskjörin og tryggja velferð og réttlæti er að veita fólkinu í landinu frelsi til athafna í opnu og frjálsu samfélagi. Þingmennska er starf sem gefur mér tækifæri til að berjast fyrir hagsmunum fólksins,“ segir Ásmundur.
 
Meðal þess sem Ásmundur hefur í hyggju að berjast fyrir má nefna öflugt atvinnulíf, menntun og nýsköpun, fyrir tengslum atvinnulífs og skóla, framtíð ungs fólks, virkni og þátttöku fatlaðra í samfélaginu og fyrir sanngjarnri leiðréttingu verðtryggðra lána.
 
„Í störfum mínum fyrir íþróttahreyfinguna, mannræktarfélög og sem bæjarstjóri í Garði hef ég verið þjónn fólksins. Skilvirkni og einlægni í störfum mínum er lykillinn að góðum starfsárangri sem ég vil nýta mér í þágu Suðurkjördæmis ef ég fæ til þess styrk,“ segir Ásmundur.
 
„Hagsmunir almennings í landinu eiga að ganga fyrir. Þar mun ég láta verkin tala og þjóna fólkinu á mannlegum nótum. Með þessari ákvörðun er ég að svara kalli fjölda fólks sem hefur hvatt mig eindregið til þátttöku í stjórnmálum í fremstu röð.“
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.