Magnús eignaðist útgerðina alla og seldi svo

26.September'12 | 10:35

Maggi MK

Magnús Kristinsson, útgerðarmaður í Vestmannaeyjum, keypti 45% hlut gamla Landsbankans í útgerðinni og átti hana alla þegar hann seldi hana til Síldarvinnslunnar í Neskaupsstað. Landsbankinn tók yfir 45% hlut í útgerð Magnúsar árið 2009 upp í skuldir hans.
Bæjarstjórn Vestmannaeyja brást hart við þegar tilkynnt var um söluna á útgerð Magnúsar til Síldarvinnslunnar í síðasta mánuði og telur hún að lög kveði á um að bærinn eigi forkaupsrétt að skipum og kvóta félagsins. Útlit er fyrir að málið fari fyrir dóm.
 
DV fjallar um kaup Magnúsar á hlut gamla Landsbankans í útgerðinni í dag. Magnús vildi ekki tjá sig við blaðið um málið.
 
Magnús átti að öllu leyti eða hluta í fjölda fyrirtækja fyrir hrun. Þar á meðal var fjárfestingarfélagið Gnúpur, Toyota-umboðið á Íslandi og skyndibitastaðurinn Domino's. Þá keypti félag Magnúsar hlut í gamla Landsbankanum rétt áður en hann fór í þrot. Magnús missti fyrirtækin að mestu úr höndunum í kjölfar hrunsins. Magnús sagði í yfirlýsingu sem hann sendi frá sér í tengslum við söluna á Bergi-Huginn til Síldarvinnslunnar að hann væri fórnarlamb markaðsmisnotkunar.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.