Kaupþing hættir við málshöfðun

20.September'12 | 09:37

Vestmannaeyjar Vestmannaeyjabær

Slitastjórn Kaupþings hefur fallið frá málshöfðun á hendur Vestmannaeyjabæ til riftunar greiðslu Kaupþings til bæjarfélagsins frá 8. september 2008 upp á rúman milljarð króna. Um leið er fallið frá kröfu um að Vestmannaeyjabær greiði Kaupþingi þessa sömu fjárhæð til baka.
Málið mun því ekki koma til þingfestingar síðar í dag eins og stefnt var að. Vestmannaeyjabær fagnar þessum fullnaðarsigri í málinu, samkvæmt upplýsingum frá bæjarstjóranum í Vestmannaeyjum, Elliða Vignissonar.
 
Eins og komið hefur fram snerist málið um að þann 8. september greiddi Kaupþing Vestmannaeyjabæ til baka peningamarkaðsinnlán. Þar var um að ræða fjármuni í eigu Vestmannaeyjabæjar sem voru í peningamarkaðsinnláni hjá Kaupþing, um það var ekki deilt. Í stefnu Kaupþings kom hinsvegar fram að viðkomandi fjárhæð hafi verið greidd fyrr en eðlilegt var í skilningi laga um gjaldþrotaskipti.
 
„Vestmannaeyjabær hefur ekki upplýsingar um hvað það er sem nú hefur orðið til þess að slitastjórn Kaupþings fellur frá kröfu upp á rúmlega þúsund milljónir á hendur bæjarfélaginu. Öllum hefði mátt ljóst vera sterk staða Vestmannaeyjabæjar. Réttmætur eigandi fjár hlýtur ætíð að hafa fullan rétt á að ráðstafa fé sínu, og þá sérstaklega þegar hann óttast að annars kunni illa að fara. Því miður bendir margt til þess að ótti Vestmannaeyjabæjar um að slitastjórnin væri hreinlega að fiska í gruggugum pollum hafi verið á rökum reistur.
 
Eftir sem áður er ljóst að sveitarfélagið hefur orðið fyrir beinum kostnaði af málinu. Það sem er alvarlegra er að vegna stefnunnar hefur Vestmannaeyjabær orðið að fresta öðrum fjármálagerningum svo sem samningum við Fasteign hf. um endurkaup á eignum og fl. Slíkir samningar eru háðir sveiflu gjaldmiðla og fyrir liggur að frá því að Vestmannaeyjabæ var birt stefna hefur krónan veikst.
 
Kjörtími til samninga kann því að vera hjá liðinn og skaðinn því umtalsverður. Vestmannaeyjabær mun því kanna grundvöll fyrir skaðabótum vegna stefnu Kaupþings sem augljóslega byggði aldrei á málefnalegum forsendum,“ segir í tilkynningu frá Vestmannaeyjabæ.
 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.