Djúpið fær góða dóma vestra

Trailið myndarinnar fylgir fréttinni

10.September'12 | 08:08
Fyrstu dómar um Djúpið, nýjustu kvikmynd Baltasars Kormáks, eru byrjaðir að birtast í fjölmiðlum vestanhafs en eins og mbl.is sagði frá var hún heimsfrumsýnd á alþjóðlegu kvikmyndahátíðinni í Toronto á föstudagskvöld. Fyrstu viðtökur eru góðar, m.a. í veftímaritinu Hollywood Reporter.
Gagnrýndandi tímaritsins, Jordan Mintzer, segir að fyrri helmingur kvikmyndarinnar sé kraftmikill, en hann lýsir ótrúlegri þrekraun Guðlaugs Friðþórssonar, sem synti í land eftir að skip hans Hellisey VE-503 fórst við Vestmannaeyjar árið 1984.
 
Á stall með James Cameron
Mintzer segir senurnar sem teknar eru á sjó og lýsa slysinu afar raunverulegar. Hann segir útfærslu Baltasars Kormáks engu síðri en það besta sem sést hefur frá leikstjórunum James Cameron og Wolfgang Petersen, en þeir leikstýrðu sjóslysamyndunum Titanic og The Perfect Storm.
Ólafur Darri sem Guðlaugur í Djúpinu.
 
Ólafur Darri sem Guðlaugur í Djúpinu.
Engar tölvubrellur voru hins vegar notaðar í Djúpinu og segir gagnrýnandinn því að kvikmyndatakan á hafi úti hljóti að hafa verið algjör martröð. Það hafi hins vegar reynst vel því hinar erfiðu aðstæður sem Guðlaugi mættu skili sér á hvíta tjaldið sem geri þrekraun hans þeim mun áhrifameiri. Afturlit til bernskuminninga hans um eldgosið í Heimaey gefi frásögninni frumstæðan sprengikraft.
 
Ólafur Darri góður
Þetta segir Mintze hins vegar að sé hápunktur myndarinnar, því hún missi dampinn í síðari helmingnum þegar sagt er frá eftirleik sjóslyssins og viðbrögðum samfélagsins. Þar skorti myndina meiri dramatíska framvindu.
 
Ólafur Darri Ólafsson fær góða umsögn Hollywood Reporter fyrir leik sinn í myndinni, hann komi hinni líkamlegu þrekraun vel til skila. Kvikmyndataka Bergsteins Björgúlfssonar og hljóðvinnsla Kjartans Kjartanssonar og Ingvars Lundberg er einnig sögð afar fagmannleg og geri náttúrulegu baksviði myndarinnar frábær skil.
 
Kraftmikil og tær frásögn
Kanadíska dagblaðið The Globe and Mail birtir líka umsögn um Djúpið í dag og gefur henni 3 stjörnur af 4. „Það er vegna kvikmynda eins og Djúpið sem hátíðir eins og sú í Toronto eru til, allavega samkvæmt hugmyndafræðinni,“ segir gagnrýnandi Globe and Mail. Í dómnum segir að leikaralið myndarinnar sé sterkt, frammistaða þeirra náttúruleg og látlaus og sögusviðið óvenjulegt.
 
Ólafur Darri er fullkominn í hlutverki Guðlaugs að sögn Globe and Mail og frásögn Baltasars Kormáks af þessum ótrúlegu atburðum kraftmikil og tær.
 
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.