Eigendur Bergs-Hugins með heimilisfesti í Reykjavík

7.September'12 | 15:44

Bergur Huginn ehf, Bergey VE

Eigendur útgerðarfélagsins Bergs-Hugins hafna kröfu bæjarstjórnar í Vestmannaeyjum að Vestmannaeyjabær eigi forkaupsrétt að kaupum á félaginu. Þetta kemur fram í fréttatilkynningu frá félaginu.
Jafnframt kemur þar fram að eigendur Bergs-Hugins hafi allir verið skráðir með heimilisfesti í Reykjavík, ekki Vestmannaeyjum. Því sé í raun verið að selja félagið frá Reykjavík til Neskaupstaðar, ekki frá Eyjum
 
Tilkynningin frá Bergi-Hugin er svo hljóðandi: „Í símskeyti, sem dagsett er 5. september 2012, setti bæjarstjórinn í Vestmannaeyjum fram þau sjónarmið að Vestmannaeyjabær eigi forkaupsrétt að kaupum á hlutabréfum í einkahlutafélaginu Bergi-Hugin ehf. Áður hafði bæjarstjórinn reifað þessi sjónarmið í fjölmiðlum. Vísar hann til þess að í 12. gr. laga um stjórn fiskveiða sé að finna ákvæði um forkaupsrétt ef fiskiskip eru seld milli byggðarlaga.
 
Ákvæði laganna um forkaupsrétt eru afar skýr. Þau taka aðeins á sölu á fiskiskipum. Þau taka ekki á sölu á hlutabréfum. Þá er sala á veiðiheimildum ekki háð forkaupsrétti. Eignarhald á hlutum í einkahlutafélaginu Bergi-Hugin ehf. hefur verið á hendi félaga sem öll eru skráð með heimilisfesti í Reykjavík. Við það voru engar athugasemdir gerðar af hálfu bæjarfélagsins. Eignarhald á hlutum í Bergi-Hugin ehf. er því að færast frá Reykjavík til Neskaupstaðar.
 
Með vísan til framanritaðs og skýrra ákvæða í lögum um stjórn fiskveiða er kröfu bæjarstjórans hafnað.
Rétt er að taka fram að engin áform eru uppi um að flytja heimilisfesti Bergs-Hugins ehf. frá Vestmannaeyjum.“
 
Utvegsbladid.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.