Ísfélagið hagnast um 4,5 milljarða

3.September'12 | 08:03

Ísfélag Vestmannaeyja Ísfélagið

Ísfélag Vestmannaeyja hagnaðist um 36,8 milljónir dala á síðasta ári, eða sem nemur tæplega 4,5 milljörðum króna. Rekstrarhagnaður fyrir afskriftir, fjármagnsliði og skatta (EBITDA) nam ríflega 55 milljónum dala, eða sem nemur 6,7 milljörðum króna. Þessi rekstrarniðurstaða var kynnt á aðalfundi félagsins sem fram fór í byrjun síðustu viku.
Þetta er besta rekstrarniðurstaða Ísfélagsins sé horft til ársreikninga síðustu fimm ára, en hagnaður félagsins á árinu 2010 nam 18,4 milljónum dala, jafnvirði um 2,2 milljarða króna miðað við núverandi gengi.
 
Stærsti eigandi Ísfélagsins er Guðbjörg Matthíasdóttir, með tæplega 90 prósent hlut, en afgangur hlutfjárins skiptist á nokkra hluthafa. Arður til hluthafa fyrir árið 2011 nemur ríflega sjö milljónum dala, samkvæmt heimildum fréttastofu, eða sem nemur tæplega milljarði króna. Arður til hluthafa fyrir árið 2010 nam um 6,9 milljón dölum, eða sem nemur ríflega 840 milljónum króna. Samanlagður arður til hluthafa Ísfélagsins fyrir árin 2010 og 2011 nemur því 1.840 milljónum króna, miðað við núverandi gengi.
 
Gunnlaugur Sævar Gunnlaugsson, stjórnarformaður Ísfélagsins, staðfesti að uppgjör fyrir árið í fyrra hefði verið kynnt hluthöfum á aðalfundi í síðustu viku, en vildi að öðru leyti ekki tjá sig um gang mála hjá félaginu. Hann sagði að ársreikningi fyrir árið 2011 yrði skilað til ársreikningarskrár, eins og lög gera ráð fyrir, en frestur til þess, fyrir reikningsárið frá 1. jan 2011 til 31. desember 2011, rennur út nú í byrjun septembermánaðar. Hann vísaði að öðru leyti á Stefán Friðriksson, framkvæmdastjóra Ísfélagsins, en fréttastofa hefur ekki náð af honum tali.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).