Aðeins að birta yfir lundanum

23.Ágúst'12 | 08:04

Lundir lundar

Vísbendingar eru um að nokkuð sé að birta yfir lundastofninum í Vestmannaeyjum. Pysjan er ekki að drepast í stórum stíl eins og undangengin ár og þær sem hafa komist upp virðast sprækar.
Dr. Erpur Snær Hansen, sviðsstjóri vistfræðirannsókna hjá Náttúrustofu Suðurlands, segir þetta mikinn viðsnúning enda hafi lítið sem ekkert af lunda komist á legg síðustu tvö ár. „Pysjurnar eru ekki að fá mikið að éta en ekki það lítið að þær veslist upp. Þetta eru verulega góðar fréttir. Þetta er svipað og 2008 og 2009, sem þóttu reyndar ekki merkileg, en eftir langt tímabil þar sem varpárangur er lélegur þá skiptir þetta máli,“ segir Erpur en árið í ár er það áttunda þar sem varp er langt fyrir neðan meðallag.
 
Erpur Snær segir að ungar hafi fundist í 18% af lundaholum í Eyjum. Góður hluti þess virðist ætla að komast á legg. Fullorðni fuglinn er að éta ljósátu en bera kokteil af síli, síld og loðnu í pysjuna. Erpur segir að fullorðni fuglinn bæti sér upp hallærið á þennan hátt, en ljósátan er ekki orkurík.
 
Erpur segir athyglisvert að þrátt fyrir töluvert magn af rauðátu sé sandsíli, ein aðalfæða lunda, rýrt. Það veki upp hugmyndir um að makríll, sem gengur nú hvert sumar í miklu magni við landið, sé að éta sílið út á gaddinn með tilheyrandi áhrifum á fuglastofna.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.