,,Ég á ekki eftir að sakna Magga Gylfa, ég óska engum ills í liðinu og vona að því muni vegna vel."

10.Ágúst'12 | 08:32
Eyþór Helgi Birgisson fyrrum leikmaður ÍBV sér eftir því að hafa brotið agareglurnar hjá félaginu en segist feginn að vera farinn frá ÍBV.
 
Hann segir að Magnús Gylfason þjálfari liðsins hafi komið illa fram við sig og að samband þeira hafi verið skrýtið.
 
Eyþór var rekinn frá ÍBV í gær eftir brot á agareglum um Þjóðhátíð en Tryggvi Guðmundsson var settur í ótímabundið bann.
 
,,Auðvitað er þetta leiðinlegur endir, ég var kominn á endastöð hjá þessu félagi en ég hefði viljað fara í góðu," sagði Eyþór við 433.is í dag.
 
,,Hausinn var ekki rétt skrúfaður á, maður hefur verið pirraður yfir því hversu lítið maður hefur fengið að spila þrátt fyrir fína spretti þegar ég hef fengið tækifæri. Ég fékk nokkur tækifæri eins og gegn KR í bikarnum þar sem ég skora en er á bekknum í næsta leik gegn St Patrick og skora þar og síðan spilað ég tuttugu mínútur í næstu tveimur leikjum ."
 
Hann telur að hann hafi ekki setið við sama borð og aðrir leikmenn og nefnir þar dæmi um för ÍBV til Írands
 
,,Mér fannst ég ekki sitja við sama borð og aðrir leikmenn, fyrir ferðina til Írlands þá var sagt við mig að ég fari með en daginn sem við förum út þá fæ ég sms frá Magga um að ég fari ekki með því það hafi ekki náðst að redda sæti. Svo fæ ég að heyra það frá liðsfélögum mínum að það hafi verið nóg af sætum á leiðinni út og heim Manni finnst eins og maður hafi ekki sitið við sama borð og aðrir leikmenn."
 
,,Ég neitaði því sjálfur að ferðast einn daginn eftir eins og mér var boðið, ég sagði bara nei við því. Annaðhvort var ég að fara út með liðinu eða sleppa því bara."
 
Eyþór hafði fyrr í sumar brotið agareglur en tekið út sína refsingu.
 
,,Ég braut af mér fyrir leikinn gegn Selfoss og ég borgaði mína sekt og gerði við upp lið. Þegar leikmaður gerir það á það að vera grafið og gleymt, það gerðist hinsvegar aldrei."
 
,,Ég sé eftir því að hafa ekki farið í glugganum, önnur lið fengu leyfi frá ÍBV til að ræða við mig í glugganum og ég talaði við nokkur lið. Svo ákváðu þeir að hleypa Aaron Spear frekar og bönnuðu mér að fara eftir ítrekaðar tilraunir."
 
,,Auðvitað á maður ekki að fara frá liði eins og ég geri, innst inni í mér er ég sáttur og þungu fargi af mér létt. Ég ráðlegg samt engum að fara frá liði eins og ég gerði, ég á að vera fyrirmynd og ég var það ekki um helgina."
 
,,Það hefur ekki verið gott á milli mín og Magga, við höfum ekki verið að súpa sama bollann og ekki veit ég af hverju. Kannski var þetta fyrsta agabannið, það var eitthvað alla vegana."
 
,,Mér fannst mjög skrýtið hvernig þetta var allt, ég fer beint í byrjunarliðið gegn KR og skora og skora svo í næsta leik. Það var varla söguna meira, þetta er skrýtið allt."
 
Eyþór á ekki eftir að sakna Magnúsar en sér á eftir góðum liðsfélögum.
 
,,Ég á ekki eftir að sakna Magga Gylfa, ég óska engum ills í liðinu og vona að því muni vegna vel."
 
,,Ég á eftir að kveðja ÍBV með söknuði þegar kemur að leikmönnum og áhorfendur eru frábærir. Ég bið liðsfélaga mína afsökunnar og alla sem eru í Eyjum."
 
 
tekið af 433.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.