Eyjamenn vonast eftir bekkjabílum

Elliði segir því að boltinn sé hjá sýslumannsembættinu í Eyjum

12.Júlí'12 | 15:23
Ekki er komið á hreint hvort Eyjamenn fái að bjóða upp á bekkjabílana svokölluðu á þjóðhátíðinni í ár. Áður hefur komið fram að sýslumaðurinn í Eyjum hafi viljað fá skýrari línur frá innanríkisráðuneytinu um aksturinn en hingað til hefur leyfi fyrir akstri bekkjabíla ekki verið veitt.
„Við höfum fundað með innanríkisráðherra og aðilar í ráðuneytinu sýna þessari gömlu hefð okkar skilning. Við höfum vísað til þeirra vagna sem t.d. hafa fengið heimild til að aka á Hinsegin dögum og bæjarhátíðum víða um landið. Ráðuneytið segir hinsvegar að það sé sýslumanna að veita slík leyfi og vísar í fordæmi þess efnis t.d. fyrir akstri vagna á Hinsegin dögum,“ segir Elliði Vignisson bæjarstjóri í Vestmannaeyjum.
 
Elliði segir því að boltinn sé hjá sýslumannsembættinu í Eyjum sem sé að byrja skoða málið í ljósi viðbragða innanríkisráðuneytisins. „Þetta er rosalega ríkur þáttur í okkar hátíð sem okkur þætti miður að sjá á eftir.“ Aðspurður hvort Eyjamenn séu með varaáætlun ef ekki fæst heimild til notkunar bekkjabíla segir Elliði strætisvagna áður hafa verið notaða í Eyjum. Hinsvegar séu þeir ekki jafn hentugir, eigi erfiðara með að athafna sig og aukin hætta geti skapast þeirra vegna. „Við þurfum að klára málið í fyrri hluta næstu viku. Ég vona að þetta leysist.“
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is