Einvígi ársins í kvöld

22.Júní'12 | 12:29
Landsliðsmaðurinn í handknattleik, Kári Kristján Kristjánsson, og körfuboltamaður Vestmannaeyja árið 2011, Daði Guðjónsson, mætast í miklu körfuboltaeinvígi í Eyjum í kvöld.
Heimamenn kalla þetta einvígi ársins og er þetta í þriðja skiptið sem þeir félagar takast á. Bardaginn, sem líklega verður blóðugur, fer fram á körfuboltavellinum við barnaskólann og hefst klukkan 21.00.
 
"Ástæðan fyrir því að þetta varð árlegt einvígi er sú að Látraprinsinn Daði vann mig fyrsta árið og varð í kjölfarið gjörsamlega óþolandi. Það kom því aldrei annað til greina en að hefna. Það var líka gert með stæl í fyrra," sagði Kári Kristján kokhraustur en hann og Daði eru fínir félagar og báðir meðlimir í félagsskapnum "Vinir Ketils bónda."
 
"Hann átti ekki möguleika í mig í fyrra en var samt valinn besti körfuboltamaður Vestmannaeyja. Ég skil ekki enn af hverju ég var ekki valinn sá besti? Það var mikill skandall," sagði Kári ekki sáttur en hann er vel stemmdur fyrir bardagann engu að síður og á von á góðri mætingu.
 
"Planið hjá Eyjamönnum í kvöld er einfalt. Það er grill, EM og svo einvígið. Það steinliggur. Það verður enginn svikinn af því að sjá mig legga Látraprinsinn á nýjan leik."
 
 
 
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.