Forvarnarhópar aðstoði á þjóðhátíð

20.Júní'12 | 08:19
Femínistafélag Íslands vill að þjóðhátíðarnefnd Vestmannaeyja taki upp samstarf við Stígamót og forvarnarhópa í baráttunni gegn kynferðisbrotum á hátíðinni. Félagið veiti stjórn ÍBV og þjóðhátíðarnefnd félagsins hvatningarverðlaun á kvenréttindadeginum í gær.
Þjóðhátíð án kynferðisbrota
Bleiku steinarnir eru hvatningarverðlaun Femínistafélags Íslands. Þeim er ætlað að hvetja viðtakendur til að hafa jafnréttissjónarmið ætíð að leiðarljósi í verkum sínum. Femínistafélagið veitti þjóðhátíðarnefnd Vestmannaeyja bleiku steinana til hvatningar um að nefndin myndi setja sér það markmið að hátíðin í sumar geti farið fram án þess að kynferðisbrot komi upp.
 
Drífa Þöll Arnardóttir, fulltrúi Femínistafélags Íslands, segir það allt of mikið að fimm tilkynningar berist um nauðganir á þjóðhátíð, líkt og eftir hátíðina í fyrra. Hún segir að félagið mælist til þess að þjóðhátíðarnefnd leiti eftir aðstoð Stígamóta og forvarnarhópa eins og Nei-hópsins til að vinna að forvörnum fyrir hátíðina.
 
Öryggismyndavélar, bætt lýsing og efld gæsla
Tryggvi Már Sæmundsson, framkvæmdastjóri ÍBV, segir að félagið leggi áherslu á að berjast gegn hvers konar ofbeldi. Hann tekur undir þá áréttingu Femínistafélagsins að gerandi beri einn ábyrgð á ofbeldi. Tryggvi Már er þakklátur fyrir verðlaunin og segir að þau muni hvetja þjóðhátíðarnefnd til áframhaldandi góðra verka hvað varðar öryggisþátt hátíðarinnar. Hann segir að öryggismyndavélar verði settar upp í Herjólfsdal fyrir hátíðina í sumar ásamt því sem lýsing verði bætt og gæsla efld. Hins vegar hafi verið horfið frá því að sinni að bjóða upp á kynjaskiptinga gistingu innandyra þar sem ekki muni takast að mæta kröfum um brunavarnir og heilbrigðiseftirlit fyrir verslunarmannahelgina.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.