Heimaey komin upp að Vestmannaeyjum

15.Maí'12 | 12:10
Nýtt skip Ísfélagsins, Heimaey VE-1 er komið inn í íslenska lögsögu og  að Vestmannaeyjum en skipið var smíðað í Síle. Tekið verður á móti skipinu í Vestmannaeyjarhöfn um kl. 12 í dag og þá gefst gestum tækifæri á að skoða skipið.
 
 Skipið var smíðað í Asmar, skipasmíðastöð sjóhersins í Talcahuano skammt frá Concepcion í Síle, og er fyrsta nýja uppsjávarskipið sem bætist í íslenska flotann í mörg ár.
 
Ólafur Einarsson og áhöfn hans sigldu síðustu viku norður Atlantshafið meðfram Ameríku eftir að hafa farið í gegnum Panama-skurðinn og framhjá Bermúda-eyjum. Fyrirhugað er að Heimaey fari í fiskveiðiprufutúr 22. maí með mönnum frá skipasmíðastöðinni og sérfræðingum sem tengjast búnaði skipsins.
 
Samningar um smíði þess voru undirritaðir 1. nóvember 2007 og var upphaflega gert ráð fyrir að tvö skip yrðu smíðuð fyrir Ísfélagið. Eftir skjálftana í Síle í byrjun árs 2010 var hætt við smíði seinna skipsins, enda laskaðist skipasmíðastöðin verulega í skjálftunum og flóðbylgjunni sem fylgdi.
 
Hannað hjá Rolls Royce
 
Skipið er hannað hjá Rolls Royce og er skrokkur Heimaeyjar sá fimmti sem er smíðaður með þessu lagi, hin skipin voru smíðuð fyrir Norðmenn og Færeyinga. Eyþór segir að við hönnun skipsins hafi verið tekið mið af þeirri þróun uppsjávarskipa sem átt hafi sér stað á síðustu áratugum. Skrokklagið sé hannað með tilliti til toggetu og siglingarhraða, en jafnframt sé mikil áhersla lögð á orkunýtingu og orkusparnað, en á síðustu árum hafi mikil þróun átt sér stað í þeim efnum.
 
Afgangsorka er notuð til að hita skipið og einnig til að hita svartolíu, HFO 380. Aðalvél skipsins er Bergen Diesel. Lestar skipsins eru allar jafn stórar og af hentugri stærð til kælingar með RSW sjókælikerfi. Það kerfi á að tryggja sem besta kælingu, en skipið tekur rúmlega tvö þúsund tonn í tanka, sem eru tíu talsins. Heimaey er 71 metri að lengd, og 14,4 metrar að breidd. Hámarkssiglingarhraði er 17 mílur.
 
Skipið er með rúmum fyrir 20 manns í fjórum eins manns klefum og átta tveggja manna klefum, auk sjúkraklefa. Gert er ráð fyrir 8-11 manna áhöfn.Nýtt skip Ísfélagsins, Heimaey VE-1 er komið inn í íslenska lögsögu og að Vestmannaeyjum en skipið var smíðað í Síle. Tekið verður á móti skipinu í Vestmannaeyjarhöfn um kl. 12 í dag og þá gefst gestum tækifæri á að skoða skipið.Nýtt skip Ísfélagsins, Heimaey VE-1 er komið inn í íslenska lögsögu og að Vestmannaeyjum en skipið var smíðað í Síle. Tekið verður á móti skipinu í Vestmannaeyjarhöfn um kl. 12 í dag og þá gefst gestum tækifæri á að skoða skipið.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).