Dagbók lögreglunnar

Fimm mál vegna brota á umferðarlögum

Helstu verkefni frá 23 apríl til 30. apríl 2012

30.Apríl'12 | 15:52

Lögreglan,

Eins og í síðustu viku var frekar rólegt hjá lögreglu og ekki mikill erill í kringum skemmtistaði bæjarins. Þó var eitthvað um pústra án þess þó að kæur liggi fyrir. Þá var eitthvað um að kvartað hafi verið yfir hávaða í heimahúsum þar sem gleðskapur var í gangi.
Eitt umferðaróhapp var tilkynnt lögreglu í vikunni en um var að ræða árekstur tveggja bifreiða á gatnamótum Heiðarvegar og Bessastígs þann 28. apríl sl. Þarna hafði bifreið sem ekið var norður Heiðarvegi lent aftan á bifreið sem ekið var vestur Bessastíg áleiðis norður Heiðarveg. Farþegar í bifreiðunum kvörtuðu yfir lítisháttar eymslum og þá varð nokkuð tjón á bifreiðunum.
 
Alls liggja fimm mál vegna brota á umferðarlögum en um er að ræða vanrækslu á að nota öryggisbelti í akstri og ólöglega lagningu ökutækja.
 
Þann 1. maí breytist útivistartími barna og unglinga. Frá þeim tíma mega 12 ára börn og yngri vera úti til klukkan 22.00. 13 til 16 ára unglingar mega vera úti til klukkan 24.00. Börn mega ekki vera á almannafæri utan fyrrgreinds tíma nema í fylgd með fullorðnum. Bregða má út af reglunum fyrir síðartalda hópinn þegar unglingar eru á heimleið frá viðurkenndri skóla-, íþrótta- eða æskulýðssamkomu. Aldur miðast við fæðingarár.
 
Lögreglan vill minna ökumenn og eigendur bifreiða á að fljótlega verður farið í að beita sektum vegna aksturs á negldum hjólbörðum. Nemur sektin kr. 5000 fyrir hvern negldan hjólbarða.
 
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.