Hreinsunarátak - Sumarið 2012

25.Apríl'12 | 10:18

Vestmannaeyjar Vestmannaeyjabær

Árlegt vorhreinsunarátak verður 30.apríl – 11.maí n.k. og vilja bæjaryfirvöld hvetja íbúa til að hreinsa lóðir sínar í hinu sameiginlega árlega átaki við að hreinsa og fegra bæinn. Mikilvægt er fyrir ásýnd bæjarins að húseignir og lóðir séu snyrtilegar. Húseigendum og lóðarhöfum er skylt að sjá um að svo sé.
Þó er víða að finna hús og lóðir þar sem viðhaldi og frágangi mannvirkja er verulega ábótavant. Þetta setur ekki einungis ljótan svip á umhverfið heldur leiðir það oftast til aukakostnaðar síðar fyrir eigendur og rýrir endursöluverð eigna. Húseigendur og lóðarhafar eru því hvattir til þess að huga vel að eignum sínum með stöðugu viðhaldi. Bent er á að hægt er að losa sorpið í flokkunarstöð Sorpeyðingarstöðvarinnar. Þessar tvær vikur munu starfsmenn sorpeyðingarstöðvar fara um hverfi bæjarins og hirða upp rusl, en skipulag verður sem hér segir:
 

Mánudag 30.apríl.
Svæði 1: Svæðið frá hraunjaðri að Skólavegi, neðan Kirkjuvegar.
Miðvikudag og fimmtudag 2. og 3. maí
Svæði 2: Svæðið frá Skólavegi að Illugagötu.
Föstudag og mánudag 4. og 7. maí
Svæði 3: Svæðið ofan Kirkjuvegar, austan Strembugötu.
Þriðjudag og miðvikudag 8. og 9. maí
Svæði 4: Svæðið ofan Kirkjuvegar, vestan Strembugötu.
Fimmtudag og föstudag 10. og 11. maí
Svæði 5: Vesturbærinn
 
Kort af svæðunum má sjá á hér

Allt rusl sem fellur til við lóðarhreinsun skal skilja eftir við gangstéttarbrún, flokkað, og skal það vera í umbúðum eða bundið.
Ruslið skal flokkað sem hér segir:
Garðaúrgangur, trjágreinar, brennanlegt sorp, óbrennanlegt sorp.
Óheimilt er með öllu að skilja eftir númerslausa bíla og bílgarma á götum og bifreiðastæðum bæjarins. Bíleigendur skulu sjá um að koma slíkum bílum til geymslu eða eyðingar, að öðrum kosti munu þeir verða fjarlægðir á kostnað eigenda.
Ýmis konar efnavörur til heimilisnota eru skaðlegar bæði mönnum og umhverfinu, þótt við vildum ekki vera án þeirra. Rétt notkun þeirra er nauðsynleg og þá ekki síður förgun þeirra að notkun lokinni. Algeng spilliefni sem notuð eru á heimilum eru til dæmis rafhlöður og rafgeymar, lökk og lakkleysar, málning og fleira. Tekið er á móti öllum spilliefnum frá heimilum í Sorpeyðingarstöðinni og apótek taka á móti öllum lyfjaafgöngum.

Að gefnu tilefni eru bæjarbúar vinsamlegast beðnir um að losa garðaúrgang úr plastpokum þegar hent er í gáminn við Sorpeyðingarstöðina.

Allar nánari upplýsingar veittar í síma 481-3338.
 
 
Opnunartími sorpmóttökustöðvar verður lengdur af þessu tilefni og er opið frá kl. 11.00 til kl. 17.00 4-5 maí og 12-13 maí 2012
 
 
 
Umhverfis- og framkvæmdasvið Vestmannaeyjabæjar.
 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.